以誠哥財力,要低價賣樓至有錢買地,----
請指出我喺邊一段咁講？
如果誠哥高價賣樓,亮劍又會話佢托住個價,等其他樓盤可以賣得更好價.----
做生意唔同時間，有唔同策略，現在揾件二三線貨「扮減價」質低嗰市，然後以「相對低價」，嘗試標你港鐵三寶，咪叫小財唔出、大財唔入囉！
重有,就算就真比誠哥隊冧樓價,地價都平埋,你估其他發展商傻架,唔會去投地,由得誠哥去如取如攜.----
以下是三個西鐵上蓋項目的流標與中標地價：
| | 流標價 | 中標價 | 減幅 |
| 屯門站 | 2005年 | $3,564/呎 | 2006年 | $2,495/呎 | ↓30% |
| 荃灣西站七期 | 2007年 | $2,909/呎 | 2008年 | $2,100/呎 | ↓28% |
| 南昌站 | 2010年 | $6,582/呎 | 2011年 | $4,523/呎 | ↓31% |
港鐵三寶每件投資額上百億，而且要符合港鐵一大串條件，阿豬阿狗可以投標嗎？
宅男阿伯太得閒,在屋企以為自己係孔明.----
咁今次咪睇下過多一年，又係唔係長和系以「相對低價」食三寶之中嘅一兩件囉，而嘉誠哥嘅對手就係新地，因為郭家都係喺呢一年無乜入地！
誠哥今年要賣三百億樓,蠢到未買地,先隊殘其他二百幾億貨?----
請注意三百億賣樓係目標，達唔到唔通要趙國雄人頭落地？
整低自已三百億貨,然後去買所謂三百億平地,就真係跌親個頭----.
你去百佳以半價買咗支一公升果汁XX，唔通其他飲品又同你全線半價？
同系環宇夠喺荃灣，你又估下長和會否又以 8仟 8銀益人？
亮劍一邊話包誠哥買到,又何必要打七傷拳?講來講去,都係打七傷拳,未傷人,先傷己,未買地,先唔見幾十億,誠哥好似你咁做生意,長實股價應該跌剩十蚊---.
做生意嘅人實無死錯人，減價其實都分好幾種：-
割喉式減價----
為了打擊對手，會以本傷人，例子有惠康打阿信，百佳打蘋果速銷！
真減、焗減----
超市有時會將就來到期嘅鮮凍食品來過大減價，呢啲咪係煱減嘅例子囉！
而喺98-03年，地產商個個負重磅，金融風暴之後銀行來一個大迫倉，唔理你係邊位，唔減債都會執，所以亦要將啲樓花來一個大殺價，要銀唔要貨！
明減實加----
超市最多咁嘅例子，你支果汁明明賣開 15銀，突然有幾日提價到 20，再過多一星期就賣行廣告話減到 16，或買兩支「只是」 32，咁又叫減價？
相同情況喺房屋市場嗰度大把！
面價唔減送優惠----
超市買包米，送你一支油或兩罐罐頭係一例。
現在「兩柏」開盤送乜送物，上會又有三年低息定按亦係一例！
「扮減價」----
上面咪有好多目光如炬嘅師兄話，昇柏喺工廠區、又要行鑊甘先到地鐵站、第二時對面間學校會拆、左近嘅工廠又會陸續改建變地盆----8仟8只係合理價咋！
咁＋ｘ哥借此賺少啲「扮割價」，以便同政府講古補地鐵三寶地價，實除笨有精之舉！
不過話分兩頭，如果人人都睇得通又識做生意，就唔會有咁多人輸錢俾李十X啦！
