今日早上去到茶餐廳，有客人話，美國已經債台高築，國債去到38億美元，但點解特朗普仲話在兩年內，美國廢除入息稅，即是在美國賺錢唔使交稅，有冇咁大隻蛤蟆隨街跳。
老闆話，特朗普做慣生意，知道入息稅是最廢的，賺咗錢才要交稅，美國有幾多稅務公司幫有錢佬做數，明明賺到盤滿缽滿，但做完數之後，可能要攞救濟金，既然如此，不如唔收入息稅，但並不表示唔收稅，而是用另外一個方式收稅，好似賭場一樣，未聽過有賭場只是向贏了錢的人抽水，而是一視同仁，無論贏輸，總之有落注就抽水，特朗普深明此道，知道入息稅落伍，取消入息稅是正確做法。
在取消入息稅之後，特朗普將會集中兩種稅項，一是用者自付的銷售稅，不過，美國現在已經有銷售稅，而且稅率
不低，就算要加幅度亦不會很大，特朗普可能為了爭取民意支持，唔會加銷售稅。
另一種就是關稅，這與銷售稅有些少不同，雖然都是由用者支付，但其實是用者集體支付，入口商在進口貨物時付了關稅，而再將關稅轉嫁至買家，雖然話唔買就可以不付，但關稅已經遍及所有商品及必需品，如果唔購買已支付商品的關稅，根本不能夠生存，既然每一個美國人都已經付稅，入息稅根本是多餘，特朗普睇得通透，才夠膽取消入息稅。
