地產博客
瀏覽人次:2501    回應:0
文亮言

優先選購,很容易做炮灰

 

湯文亮博士

紀惠集團行政總裁
2024年5月22日

  我見到有名品牌邀請信俾老婆,可以在名牌貨品公開發售之前優先選購,我老婆順手將邀請信掉咗去,我唔係幾明,優先選購一定有著數,唔買都去睇吓。

  老婆話試過幾次同一大班大媽去睇吓,結果大家都買了不少,優先選購之後就公開發售,名牌公司很多時都會在公開發售時打折,令到優先選購的買家還未有機會使用,就已經唔見了一大筆錢,現在大家對優先選購提唔起興趣,所以掉了那張邀請信。

  近日有不少新樓盤買家撻訂,他們大多數是首次置業者,在政府辣招之下,他們變成優先選購者,以為在沒有競爭對手之下,自己是大贏家,其實,沒有競爭對手即是沒有購買力,樓價又點會升,政府害死他們,好彩政府及時撤辣,否則那些首次置業者輸得仲多,不過,現在都輸唔少,有不少當時買入的單位已經變成負資產,真係喊都無謂。

  我問過那些當時買樓的人,點解明知道辣招鎖死購買力,結果樓價必然下跌,咁嘅情況都買樓,似乎相當不智,最好做法就是學大媽將那些優先選購邀請信掉咗去,政府唔撤辣就唔會買樓,他們話做唔到,因為當時見到有不少人願意付15- 30%特別印花稅買樓,自己有如此特權,唔買就笨。

  答案令我想起名牌公司可以效法政府,就算冇邀請信都可以優先選購,不過要俾30%附加費,如果有人願意付附加費買名牌,我唔信那班揸住邀請信的大媽唔買,更加唔會掉咗封邀請信。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼