|
|
| |
|
|
|
|
|
1. 亮劍 2013-08-29 10:45:42
|
|
長和系係一個大型集團，除非佢以後都遠離地產發展呢個範疇，否則佢要作出部署，以爭取最大利益！ 好多人以為地產發展商，會用不理性地推高新盤價格，就可爭取最大利潤，簡單來說係無知！ 昇柏山點解會有大包賣?直線思考你一定瀨嘢，因為有效分析李十X做乜嘢，要用反向思維先掂！ 長和系呢年幾，點解無乜喺香港成功入地? 因為佢就係等緊，咁等乜嘢呢?當然係等食大茶飯啦！ 港鐵早幾日咪話，今個財政年度會推日出康城四期、大圍及天榮站三幅地出來嘅，而過癮嘅係呢三度都係城哥地頭，合理推測佢應該會對呢啲地發生興趣！ 有目標，跟手當然係點規劃部署，首先唔使講緊係儲定彈藥啦，最好無乜人同佢爭，仲要係低廉價食曬三幅，那麼就完美啦！ 唔再理啲雞毛蒜皮嘅地，或求求其其落標又得，以保存實力係第一步！ 然後賣大陸樓、百佳籌旗係第二步！ 最後就搵件蛋散貨出來，以低價推出對冧個市，等政府及港鐵接受「低」基準補地價係第三步！ 如果俾佢成功一炮過趙三幅，真係飽到嘔！ 三中二都大賺！ 就算中一幅都唔差！
但如果三幅都唔中，咁大家要睇車，最好預香港樓市要跌幾成起碼！ 因為十X哥真的要走，他係以行動作出控訴。 咁香港呢一鑊會有排捱！
|
|
2. 1号仔insider 2013-08-29 13:29:47
|
|
|
|
|
3. 雙港鐵站優勢...經紀為左做生意，真係廢噏當秘笈 2013-08-29 14:47:21
|
|
|
|
|
4. 煲浪追浪 2013-08-29 15:38:50
|
|
如果日日由地鉄行過去昇栢，肯定身壯力健，馬拉蟲
都贏硬！行斜路三十分鐘。
|
|
5. 最好就唔會行到呢步 2013-08-29 16:47:17
|
|
但如果三幅都唔中，咁大家要睇車，最好預香港樓市要跌幾成起碼！ 因為十X哥真的要走，他係以行動作出控訴。 咁香港呢一鑊會有排捱！
就算李氏家族完全撤離香港之日, 香港亦未必會有咁大影响, 因為始终都要一段時間步處, 睇情形大陸嘅地產商都嚟緊接手, 李氏家族全盤唔撈, 大陸隨時使橫手同你頂起, 當然, 最好就唔會行到呢步, 以大陸嘅角度睇香港價值, 經濟第二, 主權為先, 商人唔好捉錯用神, 泛民唔好以為佔中可以脅迫大陸, 外國勢力亦唔好錯判形勢, 若然香港出現政治不穩, 習李政治立場異常強硬, 大陸有可能將香港推倒重來, 咁香港呢一鑊會有排捱！
|
|
6. 無知 2013-08-29 17:16:28
|
|
亮劍在自說自話,以誠哥財力,要低價賣樓至有錢買地,真係笑死人.
|
|
7. 亮劍 2013-08-29 17:35:42
|
|
香港政府補地價基於乜嘢數據估量? 咪參考「市價」囉！ 如果李十X「低價」賣樓，咁其他地產商及2手樓業主，請問跟唔跟先? 如果跟嘅話，那麼呢個咪係市價囉，咁樣港鐵及政府，還可以企硬嗰3幅地嘅叫價嗎? 長和系唔同其他地產商，佢做法似工廠多啲，縂之平買平賣，貴買貴賣，所以佢存貨比例只係好少！ 呢次來來去去，長和可能只係攞幾佰個單位出來扮平賣，但就可達一石激起千重浪效果！ |
|
8. 無知 2013-08-29 17:43:48
|
|
如果誠哥高價賣樓,亮劍又會話佢托住個價,等其他樓盤可以賣得更好價. 或者,呢的就叫做妄想症.
|
|
9. 無知 2013-08-29 17:46:53
|
|
重有,就算就真比誠哥隊冧樓價,地價都平埋,你估其他發展商傻架,唔會去投地,由得誠哥去如取如攜. 宅男阿伯太得閒,在屋企以為自己係孔明.
|
|
10. 無知 2013-08-29 17:51:49
|
|
誠哥今年要賣三百億樓,蠢到未買地,先隊殘其他二百幾億貨?
|
|
11. 香港市民 2013-08-29 19:40:44
|
|
不用勞氣，我們都是發表意見，對嗎？誠哥賣得平有其原因，在網上看見新盤被工廈包圍，沒有煙花景或海景，也不是名校網區，何來可以賣得貴？這樣，只可以價錢取勝，就是他的賣點。
|
|
12. 亮劍 2013-08-29 19:48:43
|
|
呢位仁兄你唔知地鐵點揀合作伙伴?唔止有錢仲要有經驗呀！ 例如天榮及大圍，每件過千個單位，項目又唔可以拆細，那麼港鐵可有幾多個發展商可俾佢選? 咁俾著你係嗰幾位指定候選人，你唔去壓價製造水位，係咪跌親個頭?
|
|
13. 元朗人 2013-08-29 19:56:34
|
|
長實每次賣樓都一定比其他地產商有心思，1：從來是長實盤截擊其他樓盤，2：呎價定必定頂實另一個盤 ，慨慳番宣傳費，3： 包裝到靚過人地個盤（指示範單位而已，收樓時千祈吾好比較；4： 趙國雄定必辧嘢一番，分分鐘勁過秋官。以上種種，點到班樓癡吾落疊！
買長實樓嘅人買嘅時候開心，但收樓時要有心理準備，一些意外驚喜在所難免，請記住一分錢一分貨吧。 |
|
14. 1号仔insider 2013-08-29 20:33:01
|
|
我三十年操盤經驗确認長記做淡買平地是慣常技倆，恒記新地新世界會跟風做淡於低位把農地補住宅地價。猛虎不及地頭蟲，国内房地产不熟市場，只看不懂时機動手，無優勢亦缺人才。
|
|
15. 1号仔insider 2013-08-29 20:46:28
|
|
香港地產專材難求，千萬年薪不稀奇，查看上市公司年报便知道。
|
|
16. 無知 2013-08-29 20:58:17
|
|
整低自已三百億貨,然後去買所謂三百億平地,就真係跌親個頭. 亮劍一邊話包誠哥買到,又何必要打七傷拳?
|
|
17. 亮劍 2013-08-29 21:21:18
|
|
無知兄，你知否天榮同大圍兩幅地招過標呢? 咁點解上次流咗標拍唔出?一句講曬無水位！ 無水位等如有機會虧蝕，咁地產商緊係唔同你玩啦！ 幾個月前地產商尚且買唔落手，有埋DSD唔要你政府減補地價，你估大地產商開嘅係善堂? 上次天榮及大圍兩幅地，政府意向價白紙黑字有曬，如果CCL仲係12O，但政府你大筆一揮例如打個例如七折，咁大把塘邊鶴就同你CY計數，睇你政府有無官商勾結！咁仲唔大碌！！ 但要是大市真係有跌到呢?咁又唔同講法啦，與大巿同步起伏，嘈乜叉嘢?
|
|
18. 無知 2013-08-29 22:30:20
|
|
講來講去,都係打七傷拳,未傷人,先傷己,未買地,先唔見幾十億,誠哥好似你咁做生意,長實股價應該跌剩十蚊.
|
|
19. 仲達 2013-08-30 00:48:54
|
|
今天的仲達言十分熱鬧，瀏覽及回應俱佳，謝謝大家！ 昇柏山開價吸引，對後市有否啟示，尚未可知，明天會刊登後篇，還望賜教。
|
|
| |
|
|
