我前週日出席一個由中華總商會攪嘅電影欣賞日，在柴灣嗰場派禮物，請睇戲，目的係介紹中總點為港為人，為祖國建設出力，攪硏討會以加強中港商界溝通⋯⋯內含政治目標！
但單靠咁樣，工商界就想可以於立法會直選中，得佔那怕係一席咁大把，唔該發夢無咁早！
那工商界點應對十年內肯定有嘅雙普選，你們商界會全軍覆沒呢?
商界無人無物，只剩下銅臭，但單單係咁就夠啦，因為有錢就有辦法！
你各大商會今日就要諗諗，你們今日唔跌少少，第日就會跌得更多，仲要係全港立會議員一齊上，輪你大米嗰隻，咁何不來個自動獻身?
同你們度埋條計啦，來個逢十捐一～
所有商會各有頭有面有銀人仕，每年捐獻一成收入去一個資金池。
搵一班你們信得過嘅學者攪一個政綱出來，任何政團認同呢個政綱，並簽字作實！
下次立會選舉，呢啲政黨嘅候選人亦補簽埋名，咁當佢哋成功當選立會議員的話，就於資金池每年每一票捐5千做善事，唔理政治立場，話之你乜嘢工黨、公民黨、民協亦唔例外！
每一年就審核呢啲政團一次，睇下佢哋有否遵守選舉承諾，如通過嘅話，又每年一票5千囉！
否則當然扣數啦！
呢個資金池捐款，要用於救急、扶貧、起醫院、發助學金之類！
而商界呢個政綱，應該寫得簡單合理啲，例如只要唔攪共產，支持市場經濟。
有咗雙普選，商界錢就跌硬㗎啦，而我亦可批死你們連立會一席都攞唔倒，咁橫又跌、掂又跌，你俾政棍上台㩒住搶，跟著他們同你哋玩通派買民望，可憐商界全無話語權。
但現在主動權喺商界手，受益者又知邊個係奶媽，商界不妨考慮愚見。
