底特律係死於群龍無首，夾唔能夠與時並進！
一個地方如果無拳頭產業，或本來係領導群雄嘅產業老化，但你又唔立即轉型，咁真係邊度嘅蛇都死！
微軟嘅標機就深明呢個道理，所以抵佢發！
香港喺六十年代有工業，七八十年代有服務業，九十年代有金融業，任何人要是捉倒呢幾個浪求其一個，輕則住太古美孚，捉倒兩個中西東半山無問題，而如果三個浪捉齊三個，重要順勢而行，咁住山頂石澳深淺水灣都唔出奇。
但有樣嘢不能不提，你最多只能快過行家十年八年就好啦，否則快過龍未必係好事，KFC 第一次登陸香港就係咁跌筋斗收場！
逆勢而行，你得唔奇，但可能其他人跟唔上，如果呢個世界係有多啦A夢，而佢又肯俾架時光機過李嘉誠，但條件是要誠哥調轉喺六十年代攪科網，咁他唔輸甩褲才奇怪！
而呢一刻世界最Top嗰堆公司，絕大多數唔係最先嘅開發者，先行者，因為佢哋都係為他人作嫁衣而矣，例如發明可樂係乜水?佢發咗達未?
所以底特律佢哋唔發展中小型及低耗能車唔係錯，反之Big 4車廠唔襯有銀用之時，走去收購有潛質嘅同業先係致命傷！
通常一個地方瓜柴，都非單一原因，底特律死因調查，當然係嗰啲窮人，以為將富人「請走」，他們就可共埋人哋嗰份，呢一下先係駱駝背上最後的一根稻草！
呢班友十下十下，唔知一旦將軍被迫走，咁佢班軍隊就會成為烏合之眾，這樣就散兵游勇，全軍覆沒被殲滅乃遲早嘅問題！
