反對派話樓價高，我同意！

現在香港要增加土地供應真係好頭痕，你班友話維港唔填得！好！ ！

但維港以外填海又唔得喎，因為你班友話要考慮會否影響中華白海豚、珊瑚礁、管海馬與寄居蟹的生長，仲要顧及漁民生計呢----你講曬拒啦！

最攞胆嘅係填海造地嘅工程費用越來越貴先惨！

開闢郊野公園又話減少綠化嘅面積，會打擊唔知 XX 蝴蝶、XX 青蛙嘅原居地！

重建舊區又妨礙保育歷史文化，人民要求集體回憶！

增加地積比率又擔心出現屏風樓，形成熱島效應！

放寬高度限制又會破壞山脊線，處處石屎森林！

全港劏房在政治化妝後都有十七萬多，咁工厦攪合法割房止咳啦----又話官商勾結！

到現在政府買你班小學雞怕啦，發展新界東北，又話人賣港！

總而言之，在新的價值理念指引下，乜都唔得、乜都唔準、乜都唔俾！！

咁在香港要找可供發展的土地，一定愈來愈難，無地啲樓起喺邊？

CY 只係書記仔來咋，你估佢係神仙咩？

在供應不足的情況下，市場惟有以價高者得的方式去決定誰有資格成為新業主，樓市唔升有鬼，但高官又唔俾你升喎！

因為佢哋仲未買倒一層合乎佢哋身份嘅豪宅！！

佢哋心中有數，如不出手，佢哋實買唔起那些好少少嘅靚單位！

他們亦唔想學曾蔭權咁，臨老都要為一層住得『人』嘅樓而費盡心機！

所以打房政策由 day one 開始，就係揾 D 及 E 類嘅樓黎打-------

「或者」、「可能」咁先係你哋呢班人嘅終極目標！！

除咗租金平之外，好多劏房住戶住劏房都係因市區方便，即使環境較差他們都會接受。反之，中轉在新界，要佢哋搬遠啲，就算居住質素稍為提升而，佢哋都未必會肯制，除非大幅度平宜。

其實，邊有可能會有政策可以做到人人都兼顧到。又要推冧樓價，又要經濟繁榮，又要人人有屋住，又要廿多歲人可以上到車，樣樣都要，結果一樣都做唔到。樓價推唔冧、庫房收入減少、好多行業冇之前咁好景、越嚟越少人買樓換樓，同時後生細仔一樣上唔到車，亦唔會上車。與其全世界唔受惠，點解唔寧可大部份人受惠再去幫嗰少部份人呢？

計我話，啲樓要升咪由佢升囉，再喺地產物業稅中抽某個百份率去幫要住既人去新界起公屋、同時又可以設立個基金留待日後(善後)之用。啲錢都只係買樓賣樓既人俾出嚟，唔涉及薪俸稅既錢，咁就冇唔公平啦。當然，樓價升既時候功夫都要做足，例如按揭成數同風險管理，但啲咩咩咩 SD 就好多嚿魚囉，控制好借貸成數同質素咪得囉。

咁樣，同地產物業相關既各行各業有工開，庫房又有收入，有收入就可以施恩施惠，低下層可受惠，中產又可資產增值又可換樓，有咩唔好？當然當中會有弊端，但依家唔係仲多弊端咩？任何人都冇好處。下層一樣冇屋住；中層又換唔到屋又少咗個投資渠道；上層又賣少咗樓；政府收入又減少…全輸！

真係唔知班高官個腦諗乜…

【晴報專訊】現時粉嶺和上水一帶，300呎售100萬元的私樓已絕迹。美聯營業經理周志強表示，距離火車站三分鐘的粉嶺中心最細單位，實用面積368呎，售285萬元；而市中心碧湖花園400呎單位，亦要270萬元。

他表示，粉嶺樓價較平穩，若落實建平價樓，相信對同區樓價造成過渡性影響，一至兩個月內微升5％。如以居屋形式發展，就算設轉售限制，亦不會對樓價有顯著影響。

美聯營業經理陳添鑫則指，上水中心最小單位為355呎，售345萬元，較偏遠地區單位面積較大。他認為四叔的捐地大計最快都要2018年才落成，暫對同區樓價不會造成影響。