政府宣佈限制奶粉離境後，梁振英第一時間邀功，在個人網誌話有事應管就要管。管制係會上癮嘅，睇吓新加坡就知，一切管制皆假為你好之名；怕你癡肥，立例唔准飲可樂；怕你破壞，立例不准食香口膠；你怕租金貴，立例實行租金管制……一啲民粹主義不知就裏，俾社會主義者打咗迷魂針，想壞腦，樣樣要政府管一管，俾政府用溫水煮蛙都唔知，管吓管吓就發覺失去好多經濟自由，要靠政府官員發號施令，之後就會慢慢管到政治，逐步為廿三條鋪路咯；一啲人成日講反赤化，殊不知自己就發表言論要求政府做乜做物，反X霸權反Y霸權，最後就係重返共產主義經濟思維（例如回購領匯、回購東隧西隧，收購巴士，不准兩電加價，不准外地人買樓等等），將香港赤化，一啲天真記者評論員為經濟赤化香港大聲疾呼，尤其無知。
香港經濟之有今日，可能出於偶然。二次大戰，英國得美國之助打贏日本，收復香港，一時之間，百廢待興，不知如何是好，好快中國就有國共內戰，國民黨節節敗退，大量避秦難民湧到，港英殖民地更加手忙腳亂，能夠應付日常運作不出亂子，已屬難得，邊度有時間去諗長期政策，左管右管吖。當時英國面臨殖民地紛紛要求獨立問題，根本無暇理會香港，於是港督有好大獨立施政權力，佢地嘅決定就係既然冇法子管，不如任其自然，隨遇而安，碰啱有位思想性人物叫做郭伯偉，負責財政經濟事務，係自由市場信徒，香港經濟自由因此而生。
當時獨立嘅印度有大批劍橋牛津畢業嘅經濟學家回國貢獻祖國，呢班英國訓練出嚟嘅精英信奉保護主義、干預主義、人民愚笨不懂主義，以精英思維搞印度經濟規劃，不容許市場自由運作，結果就係瓜晒，成個印度至今無法擺脫貧窮。今日印度叫做好啲，乃拜九十年代改革開放之賜。英國戰後係歐洲病夫，全靠戴卓爾夫人一九七九年上台之後，打破干預主義常規，鎮壓工會，私有化國營企業，英國經濟先至有起色。香港整體發展成果，不算完美，但在不干預主義之下，點都算係亞洲繁榮城市，如果民粹主義要經濟赤化香港，梁振英大力配合，香港危矣。

政府宣佈限制奶粉離境後，梁振英第一時間邀功，在個人網誌話有事應管就要管。管制係會上癮嘅，睇吓新加坡就知，一切管制皆假為你好之名；怕你癡肥，立例唔准飲可樂；怕你破壞，立例不准食香口膠；你怕租金貴，立例實行租金管制……一啲民粹主義不知就裏，俾社會主義者打咗迷魂針，想壞腦，樣樣要政府管一管，俾政府用溫水煮蛙都唔知，管吓管吓就發覺失去好多經濟自由，要靠政府官員發號施令，之後就會慢慢管到政治，逐步為廿三條鋪路咯；一啲人成日講反赤化，殊不知自己就發表言論要求政府做乜做物，反X霸權反Y霸權，最後就係重返共產主義經濟思維（例如回購領匯、回購東隧西隧，收購巴士，不准兩電加價，不准外地人買樓等等），將香港赤化，一啲天真記者評論員為經濟赤化香港大聲疾呼，尤其無知。
香港經濟之有今日，可能出於偶然。二次大戰，英國得美國之助打贏日本，收復香港，一時之間，百廢待興，不知如何是好，好快中國就有國共內戰，國民黨節節敗退，大量避秦難民湧到，港英殖民地更加手忙腳亂，能夠應付日常運作不出亂子，已屬難得，邊度有時間去諗長期政策，左管右管吖。當時英國面臨殖民地紛紛要求獨立問題，根本無暇理會香港，於是港督有好大獨立施政權力，佢地嘅決定就係既然冇法子管，不如任其自然，隨遇而安，碰啱有位思想性人物叫做郭伯偉，負責財政經濟事務，係自由市場信徒，香港經濟自由因此而生。
當時獨立嘅印度有大批劍橋牛津畢業嘅經濟學家回國貢獻祖國，呢班英國訓練出嚟嘅精英信奉保護主義、干預主義、人民愚笨不懂主義，以精英思維搞印度經濟規劃，不容許市場自由運作，結果就係瓜晒，成個印度至今無法擺脫貧窮。今日印度叫做好啲，乃拜九十年代改革開放之賜。英國戰後係歐洲病夫，全靠戴卓爾夫人一九七九年上台之後，打破干預主義常規，鎮壓工會，私有化國營企業，英國經濟先至有起色。香港整體發展成果，不算完美，但在不干預主義之下，點都算係亞洲繁榮城市，如果民粹主義要經濟赤化香港，梁振英大力配合，香港危矣。