張一鳴認為，運輸及房屋局局長張炳良呼籲市民不要恐慌性入市，類似的口術出完又出，但作用不大，儼如揭開政府的肚皮，向市場明言土地供應不足、小單位無法即時到位、收緊按揭會影響用家云云，又說息口低、熱錢多，擺明告訴公眾政府無能力遏止樓價。這些實在「唔講好過講」！
我睇完呢段嘢，真係俾一鳴哥你吹脹，閣下認為政府自己唔講呢個土地儲備得幾百公頃，只夠幾年用呢個「機密」，咁呢個世界就無人知------原來政府係「銀樣蠟槍頭」，中看不中用？
Big 5 打開個門口做生意，每年營業額最少有上百億、成千億，你估係細路仔玩緊泥沙？
唔成立個研究部，揾齊有用嘅資訊，加埋搭通天地線，執左十世！
如果 Big 5 嘅手下，竟然唔知政府土地儲備，只得幾百公頃呢個「機密」，咁一定俾老闆炒硬，現實嘅情況， Big 5 佢哋手上嘅資料，只會比政府更準更貼市！
因為兩大地產代理集團每年收左人哋咁多錢，要服侍邊個係最起碼嘅常識。
