我喺幾個月前睇倒一篇研究報告，呢個實驗係揾一批讀書好唔掂嘅學生，研究員然後就揾兩批差唔多水準嘅老師教拒哋。
第一批老師立即獲加薪一成，為期一年，條件係拒哋教嘅學生成績倒退的話，唔該回水！
第二批老師就獲通知加薪一成，但條件係拒哋教嘅學生成績要有進步，如果成功達標，咁就於一年後一筆過俾花紅拒哋以作鼓勵！
呢個實驗好令人意外，第一批老師教出來嘅學生，成績贏第二批成條街！點解？
原來人性係好自私嘅，當嗰啲錢入左第一批老師嘅荷包之後，他們就會想方設法保護那些金錢唔好俾人攞走，那怕你係為人師表，道貌岸然嘅人上人，呢班老師為人亦好、為己亦好，出盡吃奶之力，成功將班垃圾學生變翻人，在加左人工之餘，班學生成績亦大有進展，雙贏！
反觀另一批老師，一年太久，只爭朝夕，無即時得益嘅嘢，虛無縹緲嘅目標，咁就虛與委蛇對付，可能拒哋個心諗，你班研究員揾我哋笨咩，嗰班學生資質有限，神仙難變呀！
套落樓市點睇？各位淡淡話樓市係天價，點解仲唔跌嘅？
唔貪婪都做唔倒有錢人，拒哋當然想自己嘅財富得以保存，最少做到保值。
唔好忘記自金融海嘯之後，有錢人嘅財富儲存方式改變左！
高價買樓風險大，但買印出來嘅公仔紙風險更大！
以為高價入貨只係保值，分散風險，但係原來大賺，風險原來仲細！信心愈來愈大，咁就算屯門賣一萬都當正常！
歸根到底係有錢人唔想蝕底，驚自己嘅身家貶值！
美國大旱令到大豆及粟米價格狂飆，任何人有無方法可以阻止？想得通嘅話你就可以去見財爺度獻計！
