睇得出仲達兄有比心機搵料寫文，好！請繼續努力！

政府批預售好鬼慢，係咪班公務員真係唔踢唔識郁？研究下平台層同地面距離幾遠好困難？定發水比例太高有問題？

有心機做好快做到，唔使咁耐。

至於保育，真係付出唔少代價，而家要多D住宅，真係要犧牲少少架啦，保育人士諗下大局啦。

任何一個投資工具(樓宇係其中之一)，如要大跌，一定係有一個消耗性上升嘅階段作引子！

當市場陷於恐慌，好多人唔理性、無評估自身承受能力、不顧有無需要咁搶購，咁大市就應該離頂不遠，因為當最後買家已經出現埋，市場就再無下一位傻瓜出來接火棒，解脫式下跌肯定出現！

但好可惜現在還未係時候，CY 現在真係橫又死、掂又死！

唔落藥，無殼蝸牛就爆硬你廠！

落藥？一過龍嘅話，例如狂推私樓地，咁 2014 年打後就倒轉頭供過於求，如果當時加埋外圍加息，歐或美債分別或同時爆大鑊，中國政局或經濟動盪，咁現在實施嘅打房政策，隨時係一把直插入心臟嘅利劍！

應將現時的預售樓花期，即落成前20個月，增加至24甚至30個月，進一步增加供應，

錯錯錯。

這等於賭期貨。無論發展商或業主的風險都因時間越長越高。不可行。

唔少人睇見樓價咁高，完全脫離市場嘅購買力，點解仲未跌嘅！

其實拒哋忘記左一樣嘢，叫財迷心竅，當一個人用二百萬買左一層樓返來，現在變成一千萬，咁在扣除左拒嘅負債之後，拒就以為、錯覺、當係有成千個喺手，拒就會去做理應係有錢人先做嘅行為！

唔好睇少呢啲人嘅所作所為，隨着資產不斷上升，拒哋嘅胆會越大，投資會更大更勇更多，市場會因為咁反覆上升，直致拒哋呢班人乾晒塘為止，至死方休！

所以只係靠打份工儲蓄嘅小朋友，千萬唔好於現在同人混水摸魚，因為人哋啲錢係執返來，而你係要好辛苦咁儲返來嘅！

亮劍兄講的,是否財富效應?

如果今年年尾開始跌,無左財富效應,你睇跌幾多?

亮劍兄，施老闆今日話9月就會調整，你點睇?

今個周末成交量大跌四成，似乎傳媒猛吹梁十招無用，係主觀願望多過實際喎！

香港樓市的特色是：

若然投資需求大，樓價升勢難阻；若投資需求小，甚至無，樓價跌勢難擋。

皆因香港極受外界政經因素的影響，對此港府能做的甚少。

因此幾十年來，香港樓價一直大幅波動，稀有樓價“穩定”的日子。

或許政府唯一可做的，是在投資需求與民生居住之間，建立一道防火牆，儘量減少投資波動對民生居住的影響。在香港這樣一個極端開放、又細小的經濟體實施此政，難度極高！

一起向CY說不!

不要投"民建聯"和"工聯會". 因為3月25日就是他們受中聯辦主使推CY出來.

超級議值的第三值, 決不可讓民建聯得到.

【明報專訊】浸信會呂明才小學率先於新學年開設國民教育科，校友發起的關注組趁開學日於校門口蒐集反國教科簽名及做問卷調查，成功訪問了167名家長（該校家長總數約720名），結果顯示，八成半受訪家長對國教科感憂慮，87%人要求學校撤科或延遲開教。關注組發言人黃浩倫表示，至今已蒐集到800名校友、家長簽名，盼藉此向校方施壓、要求撤科。

「浸呂小」昨日開課，學生手冊顯示該校已將「德育及國民教育科」列入新學年的上課時間表，每周有兩堂，分別在周一及周五，取代了原來的早禱、早操及處理班務時間。昨日該校舉行開學禮，首堂國教科將於本周五（7日）開課。

逾九成指開科前無諮詢

由30多名校友發起組成的「浸信會呂明才小學國教科關注組」，昨趁開學日於校門外做問卷調查，共收回167份有效問卷，結果顯示，97%家長表示校方決定開科前並無諮詢，另有85%家長對開辦國教科感憂慮。對於國教科的處理，約五成人認為應馬上撤科，37.1%人認為應該延推，僅得7名家長（4.2%）支持推行國教科（見表）。

校長未回應 校方昨收緊接待

被問到若校方堅決推科會如何應對，27%家長表示會要求校方在國教科時段讓子女到圖書館自習，13.8%家長聲言支持罷課抗爭。關注組對調查結果感到鼓舞，認為有助爭取學校正視民意，要求撤回惹爭議的國教科。

學校面對國教科爭議，校長黃潔蓮昨早雖現身校園，但並無走出校門回應關注組的查詢，本報致電學校亦未獲回覆。在大批校友和傳媒守候下，學校昨收緊接待安排，有家長透露，以往一年級新生家長可一同進校助學生適應，今年則被拒進入校園，有家長唯有透過校園周圍的罅隙，偷看子女於校內活動情形。

翁祐中學被指禁書包綁黑帶

另外，網上有人發起「黑書包帶」行動，呼籲反國教科學生在書包綁上黑絲帶或紙帶，或印有「反國教科」字樣的紙帶，表明立場。本報接獲投訴，指順德聯誼總會翁祐中學禁止學生在書包綁上黑帶，亦有多名中學生在網上投訴，學校不准學生在校園掛有與反國教科有關的字句。

翁祐中學校長蔡澤群回應稱，昨沒有學生參加「黑書包帶」行動，並指若有學生參與行動，須先取得家長同意，家長另須撰寫家長信，列明子女參與行動的時間、日期。他指有關處理方法與學生要求上學戴耳環，或攜帶手機等與教學無關的物品一樣。至於該校國教科立場，他表示中學開展期明年才開始，現辦學團體仍未有指示，今年不設國教科。

to---上善若水

現在香港樓價之高，連住喺非洲嘅土人都知道！

咁點解樓價高？小學 2 年班都知因為地價貴呀嗎！

點解地價貴？因為政府唔能夠將啲珍貴土地平賣囉！

點解平價賣地唔得？其一平賣會俾人話官商勾結、其二政府等開飯、其三嗰啲小業主會嘈！

咁地價唔平得，年青人如果無呀爸呀媽照住，咪唔使旨意買樓？拒哋隨時聚合起來攪事，天下大亂可期喎！

面對呢個情況，我呢度提出一個將部份土地(例如每年 5 千個 ) ，以分期支付地價方式 (Hire-purchase)，來取代現在要地產發展商一筆過購入地契年期內使用權方式(Pay in advance)，咁政府可以唔使上身，而用者自付不存任何補貼。

政府如推行此方案，有下列好處 –

香港嘅大型地產發展商都識得强化收租物業組合，以防每年盈利因售樓收益起落而大幅波動，咁政府用穩定收入來源已經攪掂好多議員把口！

年輕人點解未畢業就走去申請公屋？主因係拒哋恐怕成世都上唔倒車，臨老都過唔倒世，咁現在有條路，俾你十萬八萬就上倒車，係咪打定個底先！

而現在持有物業嘅小業主，呢個 (Hire-purchase) 方式對你哋嘅影響已經係最少，除非你持有大量中小型單位出租嘅包租公！

銀行同發展商因為免除左地價大幅波動風險，可以做到薄利多銷，而因為呢啲屋只係用來住，無投資價值，咁就唔驚同胞將這些住宅炒到反轉！

最重要嘅係，現在樓價已經喺高水平，無論你係發展商或小買家，如要入市嘅話，都面對好大風險！發展商唔係第一日出來做生意，風險大---咁就大大聲、細細注，唔好玩咁大囉！

咁本來可以做一萬個單位嘅胃納，都變成七千或六千啦！

升市本應增加供應，但地產商因為避險而減少供應，你話係咪攪笑呢？

但實行分期支付地價方式賣出土地，樓價升降風險由政府負責，咁發展商就可以有數圍！

打後樓市唔係升就係跌，睇吓對買左呢啲樓嘅業主有乜影響？

樓市兩年之後大跌，咁小業主就可以俾少啲分期付款(補地價金額) ！

樓市繼續上，咁因為補地價金額係同應課差餉租值掛左勾，理應同市民負擔能力有重大互動關連，就算租金要升，都升得無咁離譜！

仲達講得好!

"新置業安居計劃，何不選擇在私樓市場滿足所需？ "

"夾屋或其他居屋以上的資助房屋計劃，不管稱為置安心還是置業安居，都是為政治服務的不理性產物。"

re "4. mini"

fully agree with you! Liberty is the best!

如果總量不變, CY 攪咁多名堂(港人港地, 置安心, 置安居, 夾屋, 居屋, 公屋)都只會仲哀.

除了公屋(因業權沒有轉移, 不是買賣), 其餘的就簡單地放在自由市場就最有效.

CY 現在點解要攪咁多名堂? 無他, 因為政治須要. 要人以為他急人民所須.

政府不應該計劃經濟，應該見現在需求強勁，有幾多地就推幾多，並同時開發新土地，以應市場需求，地產商會自行調節，無需理會。