家長望子成龍，望女成鳳，想方設法批尖個頭鑽入名校，其志可嘉、其情可憫！

但卻不能妄顧現實環境，橫衝直撞咁去 GO GO GO掛？

咁最後就算俾你「好彩」執倒，你個細路真係入倒呢啲名校，但如果你唔夠班，唔夠錢支持拒哋，盞讀到你個細路傻左同攪到拒哋自曬卑！

現在香港樓價貴到飛起，係真係有一班人要解決住屋嘅剛性需求，又真係有人真刀真槍咁俾倒錢出來租或者買，各有前因莫羨人，鬼叫人哋條命生得好，長揾長有咩！

如果你自己份工都係危危乎、又只係揾得嗰萬零银、而嗰幾拾個首期仲要係左支右絀咁班翻來嘅話，咁我可以鄭重其事同你哋講，唔該你們坐定定買包花生睇戲算把啦，否則你夾硬迫左上呢架私家車都唔會係好事，因為一旦供唔掂層樓，你會俾現在做無殼蝸牛痛苦十倍，一個唔好彩成為負資產再俾銀行收樓的話，咁你就會累及無辜，這包括你的家爺仔女，呢樣嘢唔係等幾年破產令解除，就可以當無事發生，而係成世嘅烙印！

"但若經濟逆轉，內地客需求嚴重萎縮，發展商反而因指令要求無法準確按照市場需求規劃單位......這些限量限呎地連大約單位數量也規定了，到時要是市場需要更多比政府規定呎數更細的單位，反變得因賣地時的硬性規定而不可提供，豈非鬧出天大的笑話？"

作者講得啱,而家私樓咁貴,如果到時市場需要多些3-400呎樓,但係政府一早硬性規定興建約5-600呎樓,要起就要犯法,又幫唔到市民,係咪又可笑又可悲!!!!!

SSD同限量限呎地真係好荒謬，不過政府係唔會取消，因為無人肯狽鑊，至於每日都不停減少的盤源、不佔升高的樓價，係唔關佢地事......這就是問責政府？

仲達兄提議要加入資深投資者如林奮強和湯文亮，我好同意，因為佢兩個眼光超準。至於會唔會有利益衝突？我想問，那10個專家應該手持不少物業，就算係學者都有利益衝突：如果下下有利益衝突就唔訪問，咁唔好做訪問囉。