仲達兄---長實呢個荃灣新盤，發水限制是一成，就算俾小超喺預製建築組件、窗台及地下室車位做足手腳，最盡發到成半，即實用率應該係 8 成幾左右！

但我最有興趣知嘅係，長江旗下則師點聰明法，可以將所有單位設計成有户户有海景嘅單位，需知道呢個盤主力供應中小型單位。

大單位個個千幾弍千呎就話有得就位啫，例如可以將所有廳同房劃埋一邊向海，其他廁所、廚房、工人房、分體式冷氣位、公家走廊、樓梯、大門及電梯大堂又劃埋一邊，但建築面積計 600 零呎嘅單位點走棧？

唔好話俾我知成間屋計，只係嗰間60 呎書房望倒啲啲海都算數！

就算俾個則師真係劃倒出來，呢啲單位都應該奇形怪狀，走廊位長過乜嗰隻，我真係要放眼遠望邊位則師可以能人所不能咁醒！

亮劍兄：你講得啱，第時實用率應該有八成半九成，不過似乎仲達兄亦無講錯，因為佢講緊

"實際用到的面積是差不多，只是建築面積少了、呎價高了而已"

而唔係講第時實用率得七成半。

長實對於真正有價值的地皮，出手唔會手軟，北角油街地王比佢攞到就知啦。其他發展商可能見華懋城畔先至3100呎，所以忍手唔高，結果比人執左塊靚地！

其實南區大部份樓都係細盤，好似我地有咁大個會所，係好難得。

我好鍾意在晴朗日子請朋友來睇日落西海，好壯麗。

to 貝沙灣住戶

其實嗰度嘅泳池咪仲正，第時朋友一場來到，請埋拒哋一路游水，一路睇全海境，真係好似渡緊假咁，但嗰度好似非香港人住客為主，你住嗰度真識嘆！