茶餐廳亂話（736）美國業主是否可以強行入屋收樓

　　今早去到茶餐廳，有客人對老闆話美國強行進入侯斯頓中國領事館是絕對合法。老闆問我是否屬實。老實說，的確是。美國的法例是有利業主，租約到期，業主是可以強行入屋，就算租客唔交租，只要向法庭申請，即日可以強行入內，費用不到10美元。不過，雖然法例是容許，只是做得難睇一些。你做初一，我做十五。中國今午收回成都領事館的時候，一樣可以強行入內。不過我相信：中國是禮義之邦，唔會以牙還牙，以眼還眼。

　　美國還美國，香港還香港。即使租約期滿，租客唔交樓，或者租客欠租，業主都冇權即時進入，要經過冗長法律程序，單位可能會空置一段時間，而業主一定會向租客追討損失。所以，我很少聽到有租客在租約到期唔交樓。香港業主千祈唔好以為美國可以，香港亦一樣。如果強行入屋就大件事，分分鐘被租客反告，不過香港有樓收租業主大多數了解情況，根本毋須提醒。