茶餐廳亂話（589）點解叫警察做毅進仔

　　今早去到茶餐廳，見到老闆大娘在坐，大娘首先俾頂高帽我戴，話我見多識講，隔離屋大媽叫佢問我點解警察俾人叫做毅進仔，我睇到大娘陰陰咀笑，於是叫大娘唔好玩我，其實她是知道答案，不過，我都知道，不如我將答案寫在紙上，等大娘先講，大娘答唔需要，她相信我知道答案。

　　老闆突然間叫我們睇電視，正在播映毅進招生廣告，原來讀完毅進課程，除了等於會考第二級之外，在電視畫面，仲可以做很多不同類型工作，有技工，廚師，管理員，畫面上有一位女警，即是可以做警察，久而久之，大家都以為大部分警察都是毅進仔，其實是錯誤的表達，大部分警察是大學畢業生，英語水平很高，從毅進課程考入警察的只是佔少數，但唔知點解，毅進收生廣告竟然用警察做招徠，害了警察被人話是毅進仔，至於我在紙上寫了什麼，是「女警」兩個字，老闆大娘話心服口服，早餐佢請。