地產博客
瀏覽人次:22689    回應:22
敢說亮話

茶餐廳亂話(515)點解要移民去台灣

 

湯文亮博士

紀惠集團行政總裁
2019年5月15日

  今早去到茶餐廳,老闆問點解最近有咁多人移民台灣。據數字顯示,去年有超過1,000人,本來移民並不出奇,但移民去台灣就很出奇。如果要移民的話,不如直接了當移民去美、加、英國、澳洲等地,移出台灣,隨時在十年八載之後又要再移民,一生人如果要移民兩次其實是非常悲慘。

  我還未想到答案,突然見到一個在去年移民去了台灣的人正在食早餐。睇他的樣子非常風騷,唔通台灣真的是咁好住?於是問一問那人移民後的生活如何,那人話他並没有移民,只不過是移居台灣,生活當然優哉遊哉,每個月回港一次見下一班做到隻屐老友。其實,他每個月回港收租,因為他在提早退休後,將手上兩個單位出租,除了供款,餘額亦夠他在台灣有一個舒適的生活。所以,他確認自己只是移居,並不是移民去了台灣。老闆話明白了,但報紙一定不會有這樣詳細解釋,求其說一句每年有超過千個家庭移民去了台灣便算了,效果亦比詳細解釋還好。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 貴公子 2019-05-15 09:08:15
係呀, 家陣好多老人家, 出租香港物業, 選擇到台灣過退休生活, 足夠應付退休支出, 反而回內地退休減少, 可能信唔過食品和醫療等等!
2. 十一哥 2019-05-15 09:25:32
1樓  去臺灣千零咁大把…小就覺得古怪、返大陸大多數就係常態、食品就臺灣古怪過老表…QQ彈彈古O精怪,醫…好定唔好…就睇你有冇銀…香港都一樣。
有辦睇…刀刀咁醒…都係縮係大灣好過去臺灣啦!
3. 引刀一快 2019-05-15 09:28:46
移居早就係一種生活享受,幾十萬香港人早就移居珠三角,台灣都係一個好選擇,可以食到唔同嘅風味,唔同嘅菜系,體會唔同嘅風土人情,諗諗都開心。
台灣,日本,泰國,都係好選擇。
4. 引刀一快 2019-05-15 09:39:22
唔知琳琳俾人扣咗回鄉證之外,趴侍仆係咪又俾人扣起埋呢?酸到呢...
5. 向引刀‧土著‧自醉‧浪子說不 2019-05-15 09:41:23

『將手上兩個單位出租,除了供款,餘額亦夠他在台灣有一個舒適的生活,每個月回港一次見下一班做到隻屐老友』,回港都要租酒店住架,唔通做麥難民咩?假如多一間自住樓,兩間用嚟收租,咁就可以每個月都周遊列國啦!

討論港人移民台灣並不理想,因為與引刀大陸燦傻嗨的大灣區飛地理念大相逕庭。如是者,引刀大陸燦傻嗨的廣州表妹將乏人照顧,他的美國老爹卻去了保護台灣,而且處處為難引刀的國,無從得到親近美國老爹的機會,認真可憐!


6. 十一哥 2019-05-15 09:47:39
刀刀  你就好啦!四圍流竄當探險…境界高!
7. 十郎 2019-05-15 10:03:00


      刀刀 , 我捧你場 , 我移居都㨂大灣。佢地唔記得 , 台灣有地溝油出口來香港。

8. 木子 2019-05-15 10:03:28
去台灣住, 悶到傻, 後生就話可以去溝下女, 老左去到就吾知有咩做, 咁同住在香港分別不大, 最大分別就只系差果少少生活費, 吾通真系連留在香港果少少生活費都比吾起。
9. 引刀一快 2019-05-15 10:17:36
有得流竄好呀,好過俾人軟禁當安居吖。
10. 真真薯片 2019-05-15 10:37:53
收香港樓租,移居台灣係一個退休好選擇

同一舊錢係香港可能住得300呎,食又寒酸,係台灣南部就可以做大爺,同豬三角比,台灣既醫療同警察贏太多啦
11. 引刀一快 2019-05-15 10:54:29
真真薯片兄

珠三角治安冇你諗得咁差,你真係住過就知,網購快件,放電梯大堂,我咁耐只失件一次,失件果度仲係假商住樓,每日過千外客出入,幾百件先失一件。
廿年前,確係好離譜,俾咗好多人唔好印象,另一個原因,係好多人將深圳情況睇成一個樣板,其實深圳真係麻麻地,龍蛇混集,個個都不富毋歸,所以賊眉賊眼,其他地方大不同。

而且,香港以外,全國醫療最好就係廣州,唔中意?返香港亦方便過台灣。
12. 十一哥 2019-05-15 10:59:14
刀刀  塞D大灣嘢比老友開眼界啦!成日8番嚟嘅就當論點/論述/論據、呆灣/豬灣…點及大灣。

13. 十一哥 2019-05-15 11:00:59
哪…好傾哩!
14. 真真薯片 2019-05-15 13:08:48
刀兄,唔止係治安,係有事搵警察,警察既態度同質素,台灣警察基本上可以放心搵,佢未必幫到你,但係最低限度佢一定唔會害你
15. 十一哥 2019-05-15 13:40:32
有事公安實搵到你…咁先勁嘛…、唔知有乜根據~呆灣差佬~全部食齋嘅 ?  又係聽到就跟住狗噏…去呆灣呆下啦!唔係特別衰…亦唔會特別好、都係人嚟嘅啫 !
16. 樓市中哥 2019-05-15 13:45:56
台灣我覺得其中吸引人移民原因是國民質素
17. 亞Q 2019-05-15 17:02:51
係囉 ! 有鄭捷在地鐵斬人 , 又有小童在母親面前被人斬首, 香港真係追唔上 !
18. 引刀一快 2019-05-15 18:15:41
真真薯片兄

依家大陸警察唔同咗,尤其係珠三角,雖然論質素仲係遠比唔上香港,但係已經有明顯改觀,最近嚴打掃黑,唔會接報乃乃閒。
再者,移居可以揾幾個點,冇限一個,台灣一個竇,大灣區一個竇,再香港一個竇,爽。
19. 十一哥 2019-05-15 20:23:58
刀刀  啱嘞 !  咁講先到人上大灣 …等收工㗎嘛!
好多古惑老表都係師承呆灣師爸嘅、唔好去遊埠見到皮毛…就以為睇通人地根骨。

20. 引刀一快 2019-05-16 08:04:17
傻,又扮師爺。
點解要睇通人地條骨?你肯定俾大陸人呃鋪甘喇,臨老學憤世嫉俗。
21. 十一哥 2019-05-16 09:40:46
 sorry! !! 一個骨字篤痛咗刀刀㖭、軟骨切咗…腰骨流失咗、柔若冇骨…凄美。
22. 引刀一快 2019-05-16 12:45:11
邊個俾人戳中,心照喇。