茶餐廳亂話（176）港姐唔需要靚

　　今早跑完步去到茶餐廳，老闆問我今屆港姐靚唔靚，佢話這個問題大家已經討論左幾日，仲未有一個答案，我話我也沒有，不過，如果半年之後問我，甚至問其他人，大多數會話幾靚，因為港姐的物質不變定律就是睇睇下就覺得靚，不過，這條物質不變定律用於港姐比較適合，其他事情又未必一樣，例如一對夫婦，在婚前他們覺得對方是無懈可擊，但婚後愈睇對方就愈唔順眼，離婚已經是最好的結局。

　　其實，大家睇港姐選舉是有多少鋤強扶弱心態，鍾意睇一些樣子不太標青小姐奪得冠軍，之後，就會彈到那些評判飛起，如果是最靚的佳麗攞冠軍，大家反而沒有話題，電視台早知到觀眾心意，專登選一些唔靚佳麗做港姐，雖然批評之聲不絕於耳，但電視台已經得到宣傳效果，半年之後，大家又會覺得那位港姐幾順眼，大家都不再談及，效果反而減低，現在選港姐，智慧與美貌都不重要，最緊要夠醜，醜得嚟大家又接受。