茶餐廳亂話（37）聖誕快車

　　今日聖誕節假期完畢，長達四天假期就此完結，好彩我冇去北海道，否則仲慘過返工，睇下大美人個殘樣就知道，今早跑完步先去茶餐廳，打算食完水煮麥皮，飲完咖啡才返工，伙計見我咁早去到，問我是否放假放到悶，我話唔係，我要開聖誕快車，伙計以為我講英超，立刻話車路士真犀利，連贏十一場，一定激死摩連奴，我話，應該是摩連奴將車路士的根基打好，干地只要蕭規曹隨，就會有好成績，何況干地亦有料，意大利咁弱都可以俾佢執掂，今屆英超冠軍非車路士莫屬，激死阿仙奴雲加就真。

　　摩連奴亦苦盡甘來，連贏五場，已經追近前四，今屆英超的確好睇，不單止球員的表現，大家還可以欣賞各位名教練的調動，不過，如果聖誕假期搭上了英超聖誕快車，又會變成浪費時間，凡事都是應該適可而止，但我的聖誕快車並不是指英超，開出之後就不能夠停止，我的聖誕快車究竟是什麼，明日繼續講。