有老友知道我兩個星期前去泰國，不但入境時可以直行直過，而且全程有警車開路，令到我唔覺得泰國很塞車，今次鋒哥Thailand Walk竟然被拒入境，問我有什麼意見，我話沒有，各處鄉村各處例，泰國政府擔心鋒哥去搞事，唔俾鋒哥入境亦是正常，鋒哥話是中國政府施壓，我話千祈唔好咁講，大家都知道，鋒哥是替美國政府做事，有美國撐腰，泰國政府唔睇僧面都睇佛面，如果是游議員講，打狗睇主人，話中國政府施壓唔俾鋒哥入境，即是話美國政府冇料到，是侮辱美國政府。

　　其實，今次泰國政府拒絕鋒哥入境與較早前菲律賓總統辱罵奧巴馬一樣，顯示出美國政府對亞洲影響力減退，與美國民主黨的重返亞洲的國策不符，現在美國影響力只得日本，星架坡，半個台灣，以及香港一小撮人，而事件顯示出共和黨特朗普勝出的機會很大，因為，特朗普講明是本土主義，而民主黨則希望重返亞洲，但現在所見，美國在亞洲表現，與民主黨的希望不符，特朗普成為下一任美國總統的機會愈來愈大，不需要太耐，我們便會知道特朗普可不可以做美國總統，如果特朗普落選，希拉里做美國總統，我建議鋒哥再去泰國，屆時，泰國政府應該以接近元首級禮數招待鋒哥。