來自利物浦的禮物

　　今日落雨，無得跑步，睇吓回應，好彩收到禮物，心情由唔靚變靚，否則就真係激到嘔血。我話若果經濟轉壞，細價樓的租客最容易受到影響，或者會欠租，累及細價樓業主，他們要有心理準備，並非對細價樓租客有眨意，唔知點解，我不停受到攻擊，唔通連提出警告都唔得，好似在月初，我提醒老友，佢話買漢能，我話貨源歸邊，佢話我同林一鳴有仇，說話不可信，立刻買了一千萬以表示支持，其實，他並不是支持林一鳴，只不過是反對我，見我近期「細價樓爆煲論」在劣勢，一於搵我做明燈，而林一鳴又當旺，跟紅頂白是很正常，唔知點解，漢能今日停牌。心情雖然唔靚，好彩收到來自利物浦禮物，是一件啱呎碼的波衫，號碼是08，名字是TONG。心情立刻靚晒，所以話，若要心情好，一定要捧利物浦。
 
　　謝四即將離開利物浦，臨走前一場主場波仲要輸三比一，有多少落寞，如果去年不是跣腳，攞走英超冠軍，今年走一定光彩很多。
 
　　謝四臨走前慨嘆現在年青球員，不知前路艱難，稍有成就就置紀律於不顧，他們唔知道，在當打的時候做領隊當然忍得，但當他們體力，技術低落，立刻會被出售，或者終止合約，有不知多少一早成名年青球員，稍為年長就要降級打英冠，英甲，甚至要退出足球圈。其實，在香港做業主都是一樣，應該知道艱辛，千祈唔好認為樓市長升不跌，有風駛盡覆，當樓市形勢逆轉，他們就會不知所措，甚至被淘汰。我知道，這些說話很多人唔啱聽，大家當我無講過。球衣應該有謝四簽名，還未到，利物浦話用順豐送緊嚟。