昨晚與朋友跑了5公里，由於同朋友一起跑，速度比較快，跑完之後散哂，非常好瞓。
一宿無話，去到會所，見到一個台灣住客，佢問我識唔識台灣超哥，我話唔識，不過，我知道佢係邊個，有一條飲食頻道叫「超派人生」，類似小斯的Fly for miles，不過，小斯是正派的，教人攞優惠，在別人眼中，他是邪的，教人玩夜生活，但在我眼中仍然是正的，他好似轉行搞飲食，賣炸雞，但好似又閂哂所有餐廳，話專心陪家人。
台灣住客話佢現在就慘啦，被台灣人笑到面黃，台灣人話唔怕富二代終日無所事事，最怕富二代雄心壯志，我覺得輸幾間餐廳對超哥來說是小兒科，而事實上搞餐飲是太累，有不知幾多知名人士搞餐飲都失敗收場，不過，跟他們的人就搵到食，總括來說，富二代搞生意對社會是有貢獻，唔應該恥笑他們。
