今日早上去到茶餐廳，有客人話收到一個offer，買公司一個物業，價錢非常好，雖然該物業是公司非賣品，但價錢咁好，唔能夠唔攞返公司，不過，睇到FIFA賣世界盃事件，主席恩芬天奴可能會被撤職，擔心攞個offer返公司，結果被老闆炒魷，不如直接推咗代理算啦。
老闆話千祈唔好，恩芬天奴絕對不會因為出售20%世界盃股權而撤職，他只不過是攞個offer俾各位FIFA幹事考
慮，或者要大會投票通過，唔賣唔使炒魷，恩芬天奴如果被撤，其實是受特朗普所累，在世界盃32強，美國雖然淘汰波斯尼亞，但球員巴洛根領紅，根據FIFA規則，巴洛根要自動停賽一場，在16強對比利時不能上陣。
特朗普親自打電話俾恩芬天尼，唔知講咗乜嘢，恩芬天尼同意停賽暫緩執行，巴洛根可以在16強對比利時上陣，不過，奸人自有奸人磨，最後美國輸1:4，唔知點解，好多人好開心。
當日大家都唔知特朗普對恩芬天奴講咗乜嘢，今日有一個大概，相信特朗普話佢女婿有興趣用42億美元，買世界盃20%股權，條件是巴洛根可以出賽，面對咁大offer，恩芬天奴唔敢唔接受，咁就中了特朗普借艇割禾之計，其實，想都想到，FIFA點會批准賣世界盃股權，特朗普一毫子都唔使出就令到恩芬天奴批准巴洛根上陣，至於恩芬天奴會不會為事件炒魷，特朗普根本沒有考慮，據聞恩芬天奴打電話要求幫忙，特朗普根本唔聽，有人問我，要不要炒恩芬天奴，我認為一定要，咁簡單的借艇割禾都睇唔到，唔炒就假。
慮，或者要大會投票通過，唔賣唔使炒魷，恩芬天奴如果被撤，其實是受特朗普所累，在世界盃32強，美國雖然淘汰波斯尼亞，但球員巴洛根領紅，根據FIFA規則，巴洛根要自動停賽一場，在16強對比利時不能上陣。