今日早上去到茶餐廳，聽到有客人話有一個在年初時預測樓市今年會下跌三四成的經濟學者講，現在樓價雖然比年初時上升6、7 ％，但他不認為預測錯誤，主要原因是有人托市，屬於不可抗力，非戰之罪，客人話唔知什麼人現在托市，會不會是炒家。
老闆話，一定唔會係炒家，老實說，炒家在今次跌市，可以說接近全軍覆末，唔死得個啲暫時未有能力買樓，更加
唔可以講托市。
客人話，咁樣一定是地產商，老闆話，地產商現在賣緊樓，點能夠話托市，除非地產商不但唔買樓，仲高價買入一些二手樓，才可以話地產商托市。
第三個嫌疑人物就是買樓的市民，如果他們堅決唔買樓，樓價又點會上升，但是，現在買樓的人的確有迫切性需要，就算唔買都要租，現在趁樓價低迷，而自己又負擔得起的時候買樓，點可以話他們托市，真係欲加之罪 何患無辭。
最有可能托市的應該是銀行，如果銀行唔借錢俾人買樓，樓價就算唔跌都唔會上升，而托市的最終目的就是托起樓價，令到銀行的銀主盤可以賣得出，如果打壓樓市，唔借錢俾人買樓，樓價一定下跌，繼而令銀行的銀主盤要蝕讓，業主當然有損失，但銀行的損失可能仲大，所以，銀行托市的可能是存在的，唔知經濟學者話托市的人是否指銀行家。
