今日早上去到茶餐廳，有客人打算買樓自住，佢成日聽到人講location location location ，三個location 代表唔同要求，究竟買樓自住，邊個location 最重要。
我話，第一個location 代表地區，第二個代任何地區內地標式大廈，第三個代表任何大廈高層優質單位，如果用
作自住，如果只能揀一個location ，就應該揀第三個，入到屋就是自己天地，地區點靚，大廈點好都唔關自己事。
老闆問，如果是商業，應該揀那一個location 。咁就唔使講，一定揀第一個，在香港應該是中環，所以，近日商業大廈市場回暖，中環的寫字樓空置率立刻下降，租金則回升，其他地區的空置率有機會不但不會下降，甚至回升，原因是該區租用寫字樓的商戶，如果見生意有起色，就會考慮搬去中環，結果令那些地區的空置率不降反升。
所以，任何人打算買樓的時候，都唔好考慮全部3個location ，否則的話，選擇是有限，應該只考慮一個，譬如買樓自住，就要買高層，方向好的單位，這區買唔到就買第二區，選擇便多了很多，如果是商業，一定要揀中環金鐘，否則唔使幾耐，又要再搬寫字樓，如果要哂3個location ，可能一世都買唔到樓。
作自住，如果只能揀一個location ，就應該揀第三個，入到屋就是自己天地，地區點靚，大廈點好都唔關自己事。