今日早上去到茶餐廳，有客人非常開心，原來早兩個星期睇啱一個住宅單位，同老婆一起去睇多一次兼落訂，當時客人老婆表現得非常雀躍，連點樣裝修都設計好，業主反刻反價，最後買唔成，昨晚兩公婆又去睇樓，客人老婆全程都非常冷漠，講得最多就是麻麻，業主有見及此，接受客人出價，客人話比心目中的價錢平了10%，所以咁開心。
老闆話，在討價還價的時候，冷漠就是支持，而且有利鋤價，不過，一個人冷漠就容易，14億人冷漠的確很難做到，仲有唔夠一個月世界盃開鑼，中國的轉播權仍未講掂數，FIFA最初三億美元，比印度3500萬多了接近九倍，中國
如果接受真係冤大頭，央視冇反應，FIFA自動降至1.5億美元，最後落實以6000萬美元成交，其實，FIFA唔成交都唔得，如果中國不轉播，場邊廣告效力會大減，FIFA可能面對巨額訴訟。
老闆可能唔知道，今次央視鋤價成功，除了場邊廣告商壓力之外，全中國人民冷漠亦是關鍵因素，FIFA一定有探子在中國，發覺所有平台都沒有要求央視一定要直播世界盃，球迷表現得相當冷漠，甚至話睇唔睇都冇所謂，FIFA有見及此，即使6000萬都接受，否則，蘇州過後冇艇搭，世界盃轉播權就好似中秋節後的月餅，送都冇人要，不過，中國球迷冷漠是有道理，既然入唔到決賽週，點解要咁熱情，所以，FIFA要盡快讓中國主辦世界盃，才可以令中國球迷熱起來。
如果接受真係冤大頭，央視冇反應，FIFA自動降至1.5億美元，最後落實以6000萬美元成交，其實，FIFA唔成交都唔得，如果中國不轉播，場邊廣告效力會大減，FIFA可能面對巨額訴訟。