星期日早上去到茶餐廳，聽到有客人話最近有一間上市公司賣盤6成幾，只得1.2億，就算全部賣哂，都唔夠兩億，賺哂都是兩億，上市要用幾多錢，上市究竟難唔難，如果很難，既然咁難才可以上市，點解要賣盤。
老闆話，在那間公司上市的時間，1間上市公司隻殼大約值10億港元，不少人用盡辦法啤隻殼出嚟，老實說，當時
港交所對於上市的要求很嚴格，每5間有資格上市的公司，只有1間可以提出申請，每5間申請上市的公司，只有1間可以上市，換句話說，100間有能力上市的公司，只有4間可以上市，既然咁難才可以上到市，隻殼就好貴，10億可能講少咗，由於隻殼咁值錢，所以申請行政費是很高，冇5000萬都成唔到事，如果申請唔到就飲雪水，申請人可能要輸2、3000萬，不過值搏率咁高，不少人趨之若鶩。
很多人不明白，不少公司在上市之後立刻發盈警，令到股價跌破上市價，是否不講武德，其實這並不是武德問題，那些公司的負責人是將公司上市為終點站，既然到了終點站，盈利不是主要問題，他們是等一個買家買隻殼，盈利又賺得幾多錢，隻殼才是寶貝。
不過，上市公司隻殼，只是有價冇市，維持上市資格每年亦要用不少錢，所以，兩億都賣，七除八扣之後，唔會賺好多，甚至要輸錢，有人唔明白，點解內企會買香港上市公司，其實態度問題，香港人以公司上市為終點，內地人買香港上市公司作為起點，正是有人辭官歸故里，有人漏夜趕科場。
港交所對於上市的要求很嚴格，每5間有資格上市的公司，只有1間可以提出申請，每5間申請上市的公司，只有1間可以上市，換句話說，100間有能力上市的公司，只有4間可以上市，既然咁難才可以上到市，隻殼就好貴，10億可能講少咗，由於隻殼咁值錢，所以申請行政費是很高，冇5000萬都成唔到事，如果申請唔到就飲雪水，申請人可能要輸2、3000萬，不過值搏率咁高，不少人趨之若鶩。