今日早上去到茶餐廳，有客人話市面回復正常，那些在過年期間收加二的食肆，今日亦唔收，但有不少人不滿意，認為那些食肆在過年期間唔應該收附加費，其實，食肆有權收，食客有權唔幫襯，冇必要投訴，而事實上在過年期間做生意，成本亦上漲不少，收附加費亦無可厚非，情況好似美國轟炸伊朗，而伊朗又封鎖霍爾木茲海峽，燃油價格一定急升，航空公司就會收燃油附加費一樣，不過客人唔明白，既然成本上升，點解有一些食肆可以唔收附加費。
老闆話唔係唔收，而是用另外一個方法收附加費，有不少食肆在過年期間簡單印過一批餐單，將一些日常菜單冠
以吉利名字，例如老少平安，哈哈大笑等，即是魚肉豆腐以及乾煎蝦碌，除了吉利的名字外，還有一個隱藏目的，就是加價，一般會加兩成，客人並不是不知道食肆加價，但唔會投訴，新年期間加價亦很正常，但就唔接受收附加費，有啲唔明白。
租樓也是一樣，住宅樓的租金大多數包埋差餉管理費，因為業主擔心租客唔交，最後都是業主交，仲要交埋罰款，但商業樓就唔同，如果包差餉管理費，租客可能嫌貴，於是業主將租金與差餉管理費分開，租客就會認為租金合理，做生意百貨撞百客，但都是以顧客為上，顧客唔鍾意加二，食肆就改餐牌，結果都是加價，最緊要客人開心。
以吉利名字，例如老少平安，哈哈大笑等，即是魚肉豆腐以及乾煎蝦碌，除了吉利的名字外，還有一個隱藏目的，就是加價，一般會加兩成，客人並不是不知道食肆加價，但唔會投訴，新年期間加價亦很正常，但就唔接受收附加費，有啲唔明白。