年廿九早上去到茶餐廳，有一個一向不在香港過年的客人問老闆，新年期間會不會休息，如果唔會，過年他會嚟飲咖啡，老闆話唔會，新年有很多茶餐廳都休息，差不多做獨市生意，點解要休息，新年開工，一工當兩工，又有利是，伙記都唔想休息。
老闆反問客人過年點解唔去旅行，客人話舊年去旅行，錯失了一個買樓機會，物業起碼升了15 ％，去年在過年前，
本來睇啱一個單位，諗住過完年返嚟落訂，點知已經賣咗，當時覺得冇問題，有咁多專家，玄學家話去年樓市必跌，心諗塞翁失馬，焉知非福，原來那些專家是錯的，今年在過年前又睇啱一個單位，代理話又去旅行，返嚟才替佢搞，客人唔理佢，諗住搵另一個代理替佢落訂，唔知買唔買到。
我認為客人買到的機會很大，甚至可以平些少，樓宇買賣，買家有假放，業主沒有假放，如果有合價錢offer，就算業主唔飛返嚟香港簽約，物業代理都會送去俾佢簽，所以，有心買樓的話，新年假期是一個好時機，因為競爭對手放了假，對手減少，買到的機會自然大一些，不過，亦不能大幅鋤價，鋤少少價或者可以，否則就有可能為他人作嫁衣裳，一般來說，如果打算賣樓的業主見到價錢差唔多，都會簽約賣走。
