今日早上去到茶餐廳，有客人剛從外地回來，原因是在當地買了樓，在買樓的時候，發展商畫到個餅好大，不但回報高，而且好容易管理，在買樓之後租了出去，租客唔交租，都唔知點搞，最後親身過去，用了幾日，嘥了不少律師費，卒之收返層樓，代理話有人願意半價同佢買，客人立刻應承，仲話輸少當贏喎。
老闆話，以前不時有一些外地樓盤在香港做展覽，現在都唔多覺，好可能有一些人買了那些樓盤，最後都要蝕錢兼很煩，做成口碑唔好，現在很少香港人在展覽會買外地樓盤，冇生意當然冇人會搞展覽。
我們經常睇到傳媒報道，某知名人士在全世界都有物業，唔知內情的人非常羨慕，知道的就會話那人找自己麻
煩，在全世界有物業，除了很難收租之外，交稅都交到驚，最後唯有大折讓出售，還會對自己說，如果當日在香港而不是在外地買了樓，蝕錢可能變成賺錢。
我自己都算是一個資深投資者，亦曾經在外地買樓，只得到一個結論，就是買勻全世界就知道在香港買樓最好，除了買賣有代理律師跟進之外，如果用作收租亦有人代勞，當然是要俾多少服務費，到租約期滿，要收返個單位是絕對冇問題，唔好以為是必然的，很多地方，根本唔會有當地人幫你去收樓，如果有人唔同意，請佢買勻全世界再同我講。
煩，在全世界有物業，除了很難收租之外，交稅都交到驚，最後唯有大折讓出售，還會對自己說，如果當日在香港而不是在外地買了樓，蝕錢可能變成賺錢。