7月1日早上，先去茶餐廳飲杯咖啡，然後再去大學升旗禮，現在很多場合唔敢唔去，否則就會有很多流言蜚語，去到茶餐廳之後，見到一位在銀行工作的客人，佢問一條問題，連老闆都唔識答。
客人問銀行最憎被call loan的客人做什麼，或者乜都唔做，老實說，任何人被銀行call loan，一定希望賣走一些物業，降低借貸比率，但過去一年多，想賣都唔係咁容易，近兩三個月才比較好一些，不過，賣唔郁並不代表乜都唔做，可以如常生活，甚至去旅行環遊世界，在六月初本來跟東瀛遊禤老闆去新疆十日遊，但我最後甩底，因為在這個風雨飄零的時候，如果我仲去旅行，銀行家一定唔開心，咁就會好麻煩，既然如此，唯有暫停一次，無謂得罪銀行家。
被銀行call loan的人應該韜光養晦，除了唔去旅行之外，更加唔好換貴車，買樓更加唔使講，
有錢應該用嚟還債，仲買什麼樓，除此之外，銀行家最鍾意被call loan客戶賣自住樓，他們可以同銀行解釋，客戶已經好努力還債，連自住樓都賣，正是得饒人處且饒人，唔好趕盡殺絕。
銀行客人問，我最近賣自住樓，是否受到銀行壓力，的確是壓力，不過不是銀行，而是我老婆，佢話以1.38億賣了自住樓，再以$75000租返一層樓，每年慳400萬利息，點洗都可以，否則，日日要俾萬幾蚊利息，真係好奢侈，賣了之後老婆開心，銀行又開心，何樂而不為。
有錢應該用嚟還債，仲買什麼樓，除此之外，銀行家最鍾意被call loan客戶賣自住樓，他們可以同銀行解釋，客戶已經好努力還債，連自住樓都賣，正是得饒人處且饒人，唔好趕盡殺絕。