茶餐廳手記（#835）點解冇乜伊斯蘭國家支持伊朗

　　星期三晚，正在與以色列交戰的伊朗，突然間出了一段17秒影片，顯示一個小型核彈，並且預告將有大事發生，暗示將出動核彈炸以色列，好彩最後冇事，不過都搞到我成晚瞓唔著，世界出現核戰，對整個世界都不利，但我有多少奇怪，今次與以色列衝突，很少伊斯蘭國家支持伊朗，更加唔支持伊朗擁有核武，茶餐廳有一個常客是穆斯林，或者會有一個答案。

　　星期四早上去到茶餐廳，急不及待問那位客人，客人話，美國前國務卿基辛格曾經講過，做美國敵人是悲慘，但做美國盟友是致命，如果伊朗擁有核武，是不會主動攻擊以色列或者任何西方國家，除非受到攻擊，但會用核武要脅其他伊斯蘭國家，要那些國家做爛頭卒，對付與伊朗為敵的國家，好似現時美國要求盟國對付中國，例如唔准供應芯片俾中國，其實不少盟國唔想咁樣做，但如果唔做，就會被美國制裁，所以不得不得罪中國，這就是基辛格所講，做美國盟友是致命的意思。