地產博客
瀏覽人次:13289    回應:0
敢說亮話

茶餐廳手記(#077)老婆永遠是別人的好

 

湯文亮博士

紀惠集團行政總裁
2023年3月18日

  今早去到茶餐廳,有客人話真係唔明白,有很多香港人從未去過新加坡,或者不了解新加坡,但經常將新加坡與香港作出比較,當然是新加坡點好點好,香港點衰點衰,理論上搭緊香港條船,冇理由望條船沉。

  老闆話人不少人唔滿意自己老婆,讚到別人老婆不得了,唔通條友砰砰砰過別人老婆,當然唔係,老婆永遠是別人的好,人之常情而已,其實一個老婆容許老公講別人老婆好,才顯得她的量度,如果冇量度,交都有得打。

  客人話他從來唔敢講別人老婆好,老闆話咁即使話俾人知閣下老婆很惡,大家又聽唔聽到有新加坡人講新加坡政府唔好,當然聽唔到,不過,每年移離新加坡的人亦不是少數,如果好滿意,又點會離開新加坡,而事實上離婚率最高的就是平日唔敢話自己老婆唔好的人。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼