地產博客
瀏覽人次:23743    回應:5
文亮語

BNO太空人計劃是離婚前奏曲

 

湯文亮博士

紀惠集團行政總裁
2021年4月14日

  昨晚食飯時,老婆話有一個大媽朋友準備用BNO移民去英國,本來是一家人一齊去,現在英國政府有新計劃,香港人叫佢做BNO太空人計劃,即是一對夫婦任何一方可以帶埋未滿十八歲子女先去英國,另一方在香港繼續搵錢,老婆大媽朋友同意先去英國,不過,就要將兩公婆的資產平分,其實大媽話應該要多一些,因為要養小朋友,老實說,用得太空人計劃,都預咗離婚,就算英國政府都預咗用太空人計劃的夫婦離婚,所以,大媽如果在英國識過另一個男朋友,生出來子女都可以參與BNO計劃,換句話說,BNO太空人計劃就是離婚前奏曲。

  我話不同意,或者有一些夫婦現在已經準備離婚,但有了BNO太空人計劃,離婚可以等多一會,首先讓其中一方先去英國,待搞好手續才正式離婚,經過幾年,大家又唔見面,反而唔會離婚,所以,BNO太空人計劃有可能是一個箍煲計劃,老婆話我打横嚟講,我話知夫莫若妻。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 引刀一快 2021-04-14 13:11:59
呢啲所謂打橫嚟講,其實相當符合今日婚姻觀,小別勝新婚,個人空間得到釋放,係調解夫妻矛盾一個非常有效嘅因素。
香港屋仔細,自然夫妻之間摩擦多,加上新一代人比較自我,可以鬆鬆的話,真係可能救返好多婚姻。
如果嫌英國遠,咁大灣區啲平屋都係一個好選擇,一間千幾呎,一人一間書房,兩公婆唔使咁多爭詏,香港大陸一人住一邊又得喎,永遠保持拍拖心境。
2. 十一哥 2021-04-14 16:34:30
鴉片賊好陰濕、睇通好多人怕去到揾唔到食、又怕糧草頂唔到5年、阿爺一唔比返頭…就冚家慘、而家玩田鷄過河就一石幾鳥、揾錢嘅可以安心留低揾銀…有生水泵去賊國養妻活兒、賊國有外收入…更防止收咗D寄生蟲、到家小有咗身份…就名正言順家庭團聚啦!
3. 引刀一快 2021-04-15 04:35:00
自己去楓葉國返轉頭,就望人地去英國冇得返轉頭,兩頭蛇十一仔,毒過black mamba。
4. 十一哥 2021-04-15 08:52:25
刀刀  長夜漫漫硬係掛住長蛇、份打更真係冇得蛇王下…陰公…
6. 引刀一快 2021-04-15 14:22:36
蛇?加拿大咁凍,係要返香港避寒嘅,可能英國暖少少,去英國果班係應該讓個位俾兩頭蛇十一仔,人地代謝慢呀。