地產博客
瀏覽人次:15540    回應:8
文亮語

四餸一湯白飯任裝

 

湯文亮博士

紀惠集團行政總裁
2020年8月1日

  在疫情前的星期五晚,基本上不會在家裡吃飯。現在不但唔會外出,甚至叫朋友回家晚飯亦唔敢。如果不幸有人確診,就對唔住到來吃晚飯的人。

  昨晚老婆話簡簡單單,四餸一湯白飯任裝,煎兩條小黄魚,苦瓜炆排骨,三色蒸水蛋,冬瓜粒湯,三個菲傭開大餐,焗了兩打雞中翼,醒4隻俾我們。我調較了一杯氈·湯力,很簡單亦食得很開心,不過我晚餐唔食飯。

  老婆話報導話有75%美國人對中國人反感。事實上中國人在美國已經是低等民族,做社會上最低下階層工作,就算在醫院做護士,都要做通宵更,仲要執屍。在商界政界都冇影響力,點解有咁多美國人對中國人反感?其實,這是憎人富貴心態。以前,美國人認為中國人很窮,經常就會擺出一副悲天憐忟姿態。現在見中國突然對他們有威脅,唔憎就假。不過唔好話美國人,香港人也是一樣。當日華東水災,大家踴躍捐輸。今日國內發大潮,大家提都冇提,最關心就是三峽大壩幾時決堤。如果中國仍然好似四五十年前咁貧窮,美國人香港人都會很關心。但今時今日,美國有75%人對中國反感亦是正常,香港究竟有幾多?我相信冇美國咁多,我阿媽成日講,望人富貴好過望閉翳。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 服 2020-08-01 13:07:18
湯博士係真正嘅博士。給湯博士十個👍
2. 引刀一快 2020-08-01 13:16:52
我阿嫲教落,俾人眼赤好過俾人可憐。


3. 十一哥 2020-08-01 15:55:03
刀刀  老人家好有智慧、哪 ! 一於以後唔好眼赤十一哥、十一哥又唔可憐刀刀、好冇 ?

4. 路過的人 2020-08-01 17:10:25
哈哈哈 ! 十一哥點解你成日鞭鞭有力咁抽刀 !
5. 十郎 2020-08-01 17:58:42


      湯就任裝。

6. gklj 2020-08-01 19:10:31
俾人眼赤有威,比人可憐有 so ,比人無視,韜光養晦,才是最高手。
7. 引刀一快 2020-08-01 20:28:01
十一仔,邊個眼赤邊個,心照喇。

不過我從來冇可憐過你。
8. 引刀一快 2020-08-01 20:35:45
6樓

想俾人無視好難,不過日本仔成功咗,以前從迷失二十年唱到迷失三十年,偷偷地攞廿個諾貝爾,仲分分鐘上返第二經濟體。
要多謝就多謝果啲日日唱大陸有幾多錢幾多錢嘅人囉,有呢啲賊頭,點韜光呀?