地產博客
瀏覽人次:19543    回應:18
文亮語

香港封關不封城

 

湯文亮博士

紀惠集團行政總裁
2020年1月27日

  今次武漢肺炎真的是殺到埋身,北京、天津、西安等大城市已經採取特殊措施,無許可證車輛是不准進入。睇嚟香港政府官員亦要當機立斷,採取封關不封城策略。如果唔做,武肺一旦在社區爆發,全部政府官員問責下台都唔掂。本來我是不主張封關,但我聽到袁國勇講,未來十幾天是關鍵,早一日封好過遲一日,封關未必可以阻止武肺擴散,但最低限度做了本份。如果唔封關,曾經到過武漢的人會湧港,有醫護人員話香港抵受唔到這個壓力。如果前線醫護人員失守,香港就大件事。今次一定要拋開政見,黃藍一心,才可以渡過這個難關,政府官員請考慮,不過要儘快作出決定。

  昨晚政府最終決定禁止過去14日曾經到過湖北的人進入香港,雖然不是封了接壤中國邊境的關口,但我認為仍然可以接受。如果疫情繼續擴散,全面封關亦事在必行。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. ! 2020-01-27 08:45:21
市民應多留家中,勤洗手,外出要帶口罩,勿害已害人。
2. 大大鑊 2020-01-27 09:21:22
500 萬人已經逃離武漢,可能會逃到香港。中左肺炎,就算唔死,肺功能都永久受損。
3. 真真薯片 2020-01-27 12:56:37
我相信最終結果係香港社區全面大爆發,死幾個醫護幾百市民,但係林鄭正苦繼續一個人都唔洗問責,然後九月立法會選舉輸到趴係度
4. 龍虎豹 2020-01-27 13:39:10
奇怪!
日本地震黑心淡都抽水話震散香港樓市,呢次武漢肺炎竟然唔見黑心淡跳出來拍手叫好,咀咒樓市大跌七成,唔通網主block晒?
5. 唔洗問責 2020-01-27 14:31:01
春假延至2月2,冇人返工造口罩,國務院都冇符,點算?
6. 吸取教訓? 2020-01-27 14:31:32
封口令最終搞到要封城,並可能好快被其他國家封關搞到要被封國。又一次慘痛的教訓。  透明度與公信力是成正比的。
7. 引刀一快 2020-01-27 15:11:29
睇見“黃藍一心”,直接就聯想到國共合作。
學鳥5兄話齋,唔講咁白。
8. 引刀一快 2020-01-27 15:20:02
龍虎豹哥

經過呢大半年,大部分人都有覺悟,意識到未來香港會係點,好多人已經疊埋心水去咗大灣區睇樓,港樓?中意咪再漲兩倍囉,再唔係就一路慢升卅年,又如何,此刻唔係大家最關心嘅事喇。
你如果有留意我留言,我好耐之前已經講大陸要托香港樓價。
9. 引刀一快 2020-01-27 15:25:48
D友仔有冇去過武漢,邊個知?好多都係立心闖關嚟香港攞醫療,最高危嘅人就最唔會老實。
今日睇茂名同佛山嘅群,嚇死人,影到大批鄂字車牌,乜字母都有,大批出現係佛山,廣州危矣!
10. 大鄉里 2020-01-27 15:43:04
引刀兄,日日都見你讚大灣,咁大灣咪即係新珠三角,一向都存在,一向都較富裕,而家深圳多左好多硬件,不過價值不菲。
香港公認國際城市,未來心臟地帶前景如何,都存變數,你點包大灣未來勝算高?
11. 未來勝算高? 2020-01-27 16:52:59
不用勝算高,這個容量大香港十幾廿倍嘅區能與香港看齊已經贏咗。但此消彼長,哩度外流無可避免。

12. 龍虎豹 2020-01-27 17:18:49
引刀兄其實我都心儀珠海海景樓,睇下有冇緣分。
13. 真真薯片 2020-01-27 18:34:46
過完年逆向春運,數以百萬人口大遷徙

中國人既理念係家天下,大陸同港兒係一家人,林鄭點敢唔比人落黎

一如以往,暫緩當撤回,獨立檢討委員會當獨立調查,依家用自願申報湖北省當係封關,做左野嫁啦!

一家人,一鑊熟,林鄭攬炒之母絕非浪得虛名
14. 引刀一快 2020-01-27 18:59:01
To 10樓 大鄉里兄

同你分析一下

日日都見你讚大灣,咁大灣咪即係新珠三角,

大灣區係一個規劃,不代表全個珠三角,根據呢個規劃下嘅行政方式,好多基建硬件會喺呢9+2裡面做,有屋就可以享受多啲。




一向都存在,一向都較富裕,而家深圳多左好多硬件,不過價值不菲。

深圳貴,如果為改善生活質量的話,深圳唔係首選

香港公認國際城市,未來心臟地帶前景如何,都存變數,你點包大灣未來勝算高?

我唔係包勝算,或者咁講,我包嘅係生活質量提升,同風險降低,其他就睇個人造化。
15. 大鄉里 2020-01-28 00:32:46
謝謝引刀兄分析,有見地。
住可以租,但買樓如儲蓄,要睇房屋政策,深房政策有何優於港政策,吸引人在此儲蓄?
17. a70 2020-01-30 01:56:19
香港无可能封關。封乜关呢?
个D専家基本政治當医疗恐怖癈话。
如果住湖北,去南方工作,
一般1月中至20号已回湖北,
胡北已封,仲点回南方?

如果湖北返工,返南方,一樣无得出入。

如果2月头計下,基本已过晒14日。

净返个批偷走500万人,
由22-23号計,去到7-8号,已过晒潜伏期。
所有如果已病,亦系當地一早病发。

大陸人自己仲驚过香港人。

暂停自由行已足够啦。。










18. 引刀一快 2020-01-30 07:29:13
To 12樓 龍虎豹兄

買大陸屋,主要分6系,外省、珠海橫琴中山、深圳東莞、廣州佛山、江門惠州肇慶、省內珠三角外地區。
珠海都好多人中意,等一等,博佢低價推港珠澳車牌。
19. 引刀一快 2020-01-30 07:37:08
To 15樓 大鄉里兄

深房政策有何優於港政策,

我睇嘅唔係政策,而政策亦唔代表成效。我睇嘅主要係中港樓價差距、生活質量、發展空間呢幾樣,綜合上述三個因素,如果真係忍唔到手要買樓,可以先買一間大間嘅大陸樓。