晨早夜話（37）傷心的段校長

　　昨晚一大班老友食飯，多了幾個平時沒有出席的老友。理由是過去10幾日，地鐵都是收10點，通常7點開席，他們9點就要離開，時間太短，他們索性唔參加。昨晚地鐵收11點，可以食晏一些，參加的人自然多了。所以，地鐵通車時間，對全港的生意都有影響，黃藍都受到傷害。

　　有老友話我替段校長講好說話，我話盡人事而已。全港都指責段校長，他有苦身己知，以為有一班中大生撐佢，他亦老懷安慰，但原來那些中大生唔敢出面撐。本來段校長都唔知，中大學生會見全港指責他，於是做了一條橫額表示撐段校長，大有慷慨赴死心態。不過，只得大約100個人簽名，佔中大學生唔夠1%，段校長睇到之後應該很傷心。老實說，大學生已經是成年人，蒙住面撐當然冇問題，要他們簽名就三思，人數寥寥可數是必然的，段校長應該想到。所以，他在接受橫額時要求學生不要簽名，自己當全中大學生都撐佢，心理上舒服一些，而學生又樂於接受，皆大歡喜。段校長始終是學者，人情世故差些少。