晨早夜話（33）港鐵仍然是港鐵，不是黨鐵

　　今早有要事去九龍，司機放假，泊車很麻煩，最方便當然是坐地鐵。在金鐘上車，觀塘落車，兩個地鐵站都溶溶爛爛，到年底都唔知是否能夠修復妥當。有人話有不少地鐵站，例如沙田，將軍澳，荃灣等，受損程度比金鐘觀塘站更加緊要。在地鐵站口，有不少地方被噴上黨鐵。我相信歐陽伯權睇到很傷心，社運人士每晚不斷破壞地鐵，港鐵又不斷復修，翌日又可以繼續使用。如是者循環不息，地鐵最後都要跪低，不但要停使幾個車站，並且將服務時間提早至晚上十時完結，一般市民當然唔開心。其實，社運人士不了解歐陽伯權苦心，他始終是身在曹營心在漢，港鐵盡最大努力每晚復修地鐵，就是不希望社運人士被市民怪罪。所以，港鐵仍然是港鐵，不是黨鐵。大家應該要多謝歐陽伯權一番苦心，要保護地鐵，唔好再破壞地鐵，願地鐵早日康復。