股樓夜話（12）唔敢回覆記者提問

　　今日屯門龍床盤「青雋」的圖則公開，有不少記者WhatsApp 問我的意見。我唔敢答，只能回覆話不評論個別樓盤。老實說，如果樓市在上升軌跡，我是夠膽回答，甚至作出批評。因為我知道，就算我大力批評，要買的人依然會買，但當樓市下跌，我就不敢說半句壞話，萬一我多口講了幾句而令到銷情慘淡，一定會被人媽到飛起。有人話我可以講好的一面，不好的不用說了，這樣我又做唔出。不過，我亦不用擔心，現在的香港人買樓時都非常小心。在過去一段時間，樓價不斷上升，但成交量不斷萎縮，這證明香港人不會盲目買樓。今次屯門納米樓開售，我不用多言，成績會給我們一個答案。其實，中原陳永傑早已給了一些指引。他說這個樓盤要慢慢賣，意思是開售的成績並不理想，急也急不來。在新樓空置稅之下，唔急賣樓都唔到。