| 瀏覽人次：65140
回應：62
|
甚麼人說不會加息
湯文亮博士
紀惠集團行政總裁
2015年2月3日
當我寫將會加息這個題目時，一心以為很多人會贊同我的觀點，原來我搞錯晒，不少網友不但表示短期內不會加息，甚至沒有加息日期，這令我很奇怪，美國怎可能不會加息，就算加息後會令致美國國債支出大增，都要加息，無它，講了N咁多次，如果再唔加，美國聯儲局就失去誠信，以後講嘢就冇人信，一諾千金這句成語，美國佬比我們更睇通睇透，加息，是勢在必行，連金管局老總都話非常肯定美國會在今年内加息，當然大家可以話陳德霖亂噏，但如果佢唔講，當美國加息，他一定會給人插到暈，老實說，今次我亦認為美國在今年內加息的機會很大，就算今年唔加，美國大選後就一定會加，亦只不過多三至六個月，大家怎可能掉以輕心。
其實我是知道什麼人說美國不會加息，講出來大家會很奇怪，就是那些往日叫大家小心美國加息的人。他們說了無數次，亦因為恐怕加息而不敢買樓，但利息始終不加，他們於是把心一橫，買咗樓先再講。誰不知，果條湯文亮立刻講小心加息，陳德霖仲話幾乎可以肯定美國在今年內加息，大家話，他們唔發火都唔得，不過，他們亦應該反省，如果早一些相信我，在一兩年前就已經買樓，至今最少有兩成升幅，就算美國加息令樓價下跌兩成，他們的損失亦不會嚴重，況且他們亦享受了兩年低息，但若果最近買樓，聽到加息的確會心煩氣躁，如果我是他們，無謂為加息而煩惱，是福是禍還未知道，仲未加息，就當永世不會加息便算了，心情會開心很多。
是否會加息，在現階段大家都只是得一個“拗”字，有網友話我替政府說話，老實說，我連官員都不識多一個，就算識，都抱著不可以不親近，不可以太親近態度，說話都唔會講多兩句，我又怎會為政府說話，我只是小人物一名，政府亦毋需我替他們說話，我的評論只是我講出個人觀點，大家無謂多疑，否則，會對我的分析產生偏見。現在我只是勸人唔好買細價樓，小女用她自己的私己錢買幾個紅山半島，我又覺得是好投資，連沙田第一城都做萬六元一呎，紅山只是萬八，理論上，紅山呎價應該是沙田第一城兩倍半，現時，是紅山呎價落後，抑或沙田第一城過前，或者兩者兼而有之，大家可以做一個分析，所以，大家亦唔好怪我說細價樓危險。
|
|
|
| |
|
|
|
|
|
1. 亮劍 2015-02-03 08:36:38
|
|
小女用她自己的私己錢買幾個紅山半島………… 湯博士，呢度我真的看漏眼，你女兒有你的遺傳，即極優秀商人觸覺及揾錢細胞。 從來一個投資市場爆破，之前都有一個萬眾齊心齊參與的現象，真係升到你唔信，但人人齊落注的後果，就會透支未來一兩年、甚至幾年的升幅，那就算畀你咁好彩走得倒，都會攪到甩皮甩骨。
呢家開始，會由升到你唔信，就來升到你迷信，所以湯生你排眾而出，做第十個人都係時候。 |
|
2. 香港人 2015-02-03 09:18:58
|
|
|
|
|
3. 香港人 2015-02-03 09:23:24
|
|
業界：倘政府不加辣 樓市續升
二手細價樓造價節節上升，連三、四綫屋苑呎價也屢創新高，業界料，若非政府再度「加辣」煞停升勢，後市仍有力再上。高價入市 多屬有能力一族業界人士指出，近日各區細價屋苑創新高價入市的買家，大部分屬於有能力一族，例如數年前沽出物業，坐擁現金的租客；或是父母資助入市，故即使銀行估價脫離市場成交價，但該批買家仍有實力入市。然而，現在市場仍有很大一批已經入紙申請購買居屋的「準買家」出動睇樓，該批客源現時處於觀望性質，相信3月居屋抽籤結果公布後便會流入細價樓市，現時市場有不少造價低於400萬元的細價單位，估計屆時該批單位會率先受惠。中原地產亞太區總裁陳永傑認為，現時的二手市況已經屬於小陽春，雖然從成交數量上很難與政府未出招前相比較，因為當時的小陽春由炒家帶動，炒家往往農曆新年前購入4至5伙，新年過後便摸售。但過往數年政府出招杜絕炒家，二手市場轉為純用家市場，現時港人有5萬億元存款，均成為物業市場的重要動力來源，近期出現大量父母資助子女高價入市便是例證。
|
|
4. Johnny 2015-02-03 09:27:25
|
|
美國佬幾時講過誠信？ 而家美元甘勁已經影響曬美企既出口同業績，美國佬仲邊夠膽甘急住加息？唔搞QE4已經算講誠信了。 |
|
5. HK People 2015-02-03 09:29:26
|
|
|
|
|
6. 亮劍 2015-02-03 09:46:51
|
|
To 3/F 香港人 請大家緊記，楼市在井噴果時出現的買家有： 1 租住等的恐慌性吸納 2 政府傻下傻下派錢畀人，送佢哋一程 3 唔通兩小無猜初出茅廬可草百幾個？呢度當然係家長財富效應啦。 4 高買高賣的換楼客 5 死慳死抵，儲咗好多年錢的草根
博士現在係想救第二及第五類人，簡稱二五仔！
|
|
7. 輸香港五百億 2015-02-03 10:22:44
|
|
|
|
|
8. 香港人 2015-02-03 10:28:35
|
|
陳德霖電視上講話時, 眉頭對摺, 好像好頭痛的模樣. 多年來不斷話加息, 已經講到'羊'來了. 至今仍未加息. 聽他說的人, 唔敢買樓, 現在眉頭緊縐程度其實比陳生還要縐.. 兼想出拳添 好心佢o拿!?
|
|
9. 中女社社長 2015-02-03 10:33:24
|
|
各位看見現在加息機會雖然不大, 但係一旦政府債券風險增加, 為了穩定債市, 加息係必須做既事, 而且現在離美國大選年只有一年多時間, 提早一點實在無可厚非.
要注意香港會不會跟足, 這才是關鍵
|
|
10. 輸香港五百億 2015-02-03 10:35:43
|
|
陳總好應該解釋那五百億元港人財富輸給那對手。而不可只簡單借說因市場非常波動。請問那個市場不非常波動。不非常波動的就不是市場。他自己為官有錯不肯認還想轉移港人視線到樓價及樓按方面。太過不付責任。
|
|
11. 香港人 - 什麼都貴, 手持現金不投資有何用? 2015-02-03 10:49:59
|
|
傳「牛肉乾」加價 沙田車位旺 (經濟日報) 美聯物業高級營業經理翁凱傑透露，近日沙田第一城車位交投轉旺，過去周末已錄得7至8宗車位成交。其中4期地下雙車位，以90萬元易手，持貨不足1年獲利15萬元。 翁氏指出，近日市場傳言，新一份財政預算案會大幅增加違例泊車的罰款，故市場湧現一批業主搶購車位，連過去一向甚難脫手的富豪花園車位也交投轉旺。例如B1場一個雙號車位，剛以34萬元易手，原業主2010年以20萬元購入，持貨4年獲利14萬元。
|
|
12. property.not in hk 2015-02-03 11:18:33
|
|
唔知博士個女買幾個紅山半島駛唔駛做按揭 ? 如果真係加息, 貴價樓一定要還銀碼更大的利息, 樓價下跌更加蝕, 而且仲有SSD唔俾止蝕. 虎毒不吃兒, 冇理由自己估加息, 反而唔阻止個女買樓 至於 " 理論上，紅山呎價應該是沙田第一城兩倍半 " 更加誤導, 紅山開則大, 銀碼更大, 按揭成數低, 印花稅較貴, 潛在買家較少, 難搵租客, 同沙田第一城比較根本係兩個唔同買家既市場 美國聯儲局一早冇冇誠信啦, 國債上限再推高, 無限借錢, 再發長債買短債, 循環欠債 現階段買"細"價樓的確係危險, 但希望大家唔好以為轉攻貴價樓係好投資
|
|
13. 湯文亮 2015-02-03 11:37:27
|
|
樓上，我只不過是評論，何需用虎毒不食兒，況且，FP又有何出奇
|
|
14. 湯文亮 2015-02-03 11:40:27
|
|
在沙田第一城建築呎價4,000元時，紅山半島是一萬。 我們有百幾個單位在港島南區，全無空置。 我不再回應。 |
|
15. 中女社社長 2015-02-03 11:41:01
|
|
To 12樓: 非常同意你既講法! 以下係RVD各類樓價指數圖, 一睇就知邊類升緊邊類唔升  |
|
16. property.not in hk 2015-02-03 11:46:08
|
|
當然要用虎毒不食兒, 因為博士和我們普羅大眾皆愛護親兒 反證令嬡得博士支持, 決定FP買樓, 可見對後市充滿信心
|
|
17. to 16F 2015-02-03 11:54:27
|
|
Pleas do not put the words to other's mouth. That is too much..
|
|
18. Small Potato 2015-02-03 11:55:23
|
|
呢個綱站向高質素, 大家理性討論吧, 勿用攻擊性字眼吧!
|
|
19. 惜緣 2015-02-03 12:00:30
|
|
老實說，如果在下有足夠的錢而係呢刻一定要買樓的話，在下一定要會買紅山而不會買幾個一城，直覺告訴在下，幾年後有可能紅山3萬/呎的時候而一城可能只是1.3萬/呎左右。
|
|
20. 中女社社長 2015-02-03 12:03:35
|
|
最近在外邊聽來不少有關博士的閒言閒語, 希望博士不要在意. 在下也對未來樓市作預測, 但我選擇一年一年的預測, 不想一次過把未來幾年行程預測全數套出. 至於對買自住樓, 我信心是有的, 但請勿過份追價, 對於實力較次一點的置業者, 胡亂追價後果嚴重, 導致銀行估價不足, 可能陪上多年儲蓄.
以我觀察, 現在賣出自住細價樓的有兩類人, 第一是收租佬, 第二是換樓人士. 兩者同樣不會平賣, 而且更可能反價. 做成現在急升格局.
|
|
21. CDR 2015-02-03 12:03:56
|
|
近日某些討論區已經講緊要BIN博士屍。。。。。。。
如果博士一路再唱淡，何止聽到呢D咁C文既4字成語。。。。。。。 |
|
22. 打工仔 Andy 2015-02-03 12:05:01
|
|
湯博士不要勞氣！ 我今早睇過自已絛數, 做下組合都可以跟博士一間半間紅山, 可惜估唔切！ 貴重的地段跟本不同的市場, 對嗎？ 哈哈哈！
|
|
23. 打工仔 Andy 2015-02-03 12:10:55
|
|
每個人都有自己的想法, 有自己條數, 請尊重博士及其家人！
|
|
24. 請教亮劍兄 2015-02-03 12:15:54
|
|
亮劍兄 我時常睇妳文章 多謝無私奉獻知識 我弟在2014 年12尾買了大西方北樓 7成按揭 現在應該達訂嗎? 頭兩年會租 之後自住 謝謝亮劍兄
|
|
25. 中女社社長 2015-02-03 12:16:23
|
|
To 21樓CDR:
相信你也知道我來自那裡. 果邊無論好淡友已經失去理性.
|
|
26. alan288 2015-02-03 12:16:51
|
|
|
|
|
27. 中女社社長 2015-02-03 12:21:12
|
|
To 24樓: 恭喜你啊! 未成交已經賺價! 上星期大西北樓價創新高啊! 做乜要撻訂? 自住既留半年供款作儲備就可以.
|
|
28. 師奶仔 2015-02-03 12:28:55
|
|
博士又何須動氣呢 由得人講~
正所謂,同枱食飯, 各自修行. 同一句說話, 每個人的接收都不同, 想法也不同, 而行為及反應也不會一樣的.
正如佛經所謂, 我們要學菩薩以{ 無緣大慈, 同體大悲}節無分別心, 包容心, 平等心來處理一切事務, 即是採取不偏不倚, 不喜不恕, 不取不捨的態度來做事..... 這樣的心在這個動盪的世界能夠靜下來, 無論外面怎麼變動, 心都能平靜不動.
用心來處理事情, 處理完以後就放下來, 讓心回歸平靜, 以平常心來看待事情, 儘量減少執著表面的成敗得失, 人我是我, 讓心變得更安樂自在, 處事自然更有智慧.
我只是有感而發. 希望各位理性靜心討論.
|
|
29. 亮劍 2015-02-03 12:31:08
|
|
之前我咪講過……大碼豪宅的回報不能单看表面，例如红山半岛在扣除成本後的實質回報，只有2%楼下，实在唔吸引！
計算時間……要是一名投資者用5仟萬入咗件，每年在扣除使費後淨收1球租。
但呢個投資者轉個灣攞呢件嘢去 PB 做抵押，套 2 仟萬同 PB 以低槓桿買直債、債基、纸磚頭及內銀股。
基於 PB 息率低至1厘零，你2 仟萬每年賺 80 零到100 萬息差，唔算過份！
5 仟幾萬(發展商有SD津貼)投資，回報变成18X萬，即 3.5 %以上！
咁從資產配置、分散風險、有效運用資金的角度來考慮，不失為合理安排。
要是你攞件係沙一去 PB，可借條毛？
|
|
30. V 2015-02-03 12:37:31
|
|
簡單嚟講，其實係自尋煩惱，又要寫，又要回應又要拗，以你的財力人生經驗，多貢獻社會幫助下一代不是更有意義嗎
|
|
31. mt4money 2015-02-03 12:37:32
|
|
我又表下態先，對湯博士的看淡言論，我十分支持。
其實好明顯細價樓，過去一年升三四成是十分過分，博士提醒風險是好心的。這是對一般讀者，有責任且理性的態度。
話得說回來，大家看文也要看全部，包括埋下文的 comment, 便會更易理解作者的來龍去脈。就算閙完博士又如何，身家會增值嗎？
最近看亮劍和pp 的言論，似乎好看過博士的文，一來到肉些，二來有格劍感覺，大家出真功夫，有華山論劍的小說感覺，要日日追。
如有得罪，唔好打頭，因為我自己唔醒，再打連工都保唔住就死，要大家養我就唔好。
|
|
32. 外來人才 2015-02-03 12:42:57
|
|
今天這麼熱鬧，我又要來訴訴苦。 一好友最近喜得貴子，我今天問他近況，得知他要搬屋了，因為現在租住的地方業主要收回自用，無奈他只能搬走。 他跟我一樣，屬於新來港人士，本來有能力上車的，但是BSD辣招打亂了他的置業計劃，為了防止過一年又要再次搬屋，他只能選擇用較高的價錢簽訂兩年死約。兩年之後又能怎麼樣，辣招取消的機會微乎其微，自己離7年永久身份還有一段時間，到時候又能怎麼辦？一邊看著上車盤暴漲，一邊繳付昂貴的租金，手握上車首期又不能置業。這其中的痛苦可想而知。希望博士能了解我們這個群體，幫我們出出聲。
|
|
33. 惜緣 2015-02-03 12:57:28
|
|
To 16樓 property.not in hk
到底要說幾多次兄台才會明，博士最近睇淡的只係細價樓，而博士認為大價樓很健康，所以博士言行一致。
兄台不能隨便用呢D成語，很傷人的，在下相信博士比兄台同在下更加愛護佢的子女。 |
|
34. 惜緣 2015-02-03 13:01:00
|
|
To 21樓CDR
博士宅心仁厚，兄台反而以怨報德，真的阿彌陀佛！ |
|
35. 麗娜 2015-02-03 13:02:41
|
|
博士息怒。沒有manner的人多得是！要預備確實有人“羨慕”別人荷包大而亂說話。
普通人買樓通常要做按揭，他們的腦袋不會有資深投資者FP的想法，加息還加息，加息是不會直接影響FP，你只能說加息會影響整體樓價，但我FP沒有利息負擔，何懼之有？就算小妹之前都話，最緊要搞好自己資產配置，要是尋到寶，加上是FP，買什麼都可以。大單位確實是underpriced，更莫論有人貼錢3球搞好裝修，傳統豪宅，南區，全海景，低水抵買的一手貨，還要不用dsd，簡直抵到爛！
那位回應可能太“羨慕”博士個女了，哈哈，莫怪酸葡萄！！哈哈 |
|
36. 惜緣 2015-02-03 13:07:03
|
|
|
|
|
37. 亮劍 2015-02-03 13:28:54
|
|
To 24楼：你呢種玩法，同我弍拾多年前首置一樣咁操作，分別的是那時候小弟每月還要倒貼幾千，現在你就最少都打和。 好多人置業之前，都無攪清他們上車的目的係乜，其實若你養成習慣，買層楼自住，可令你有效控制自己的消費衝動，不會無無謂謂買埋D唔等使嘢。 用來對付好似我呢 D 購物狂最合用。 @@我20零歲果時，係我女朋友逼我買楼的……
|
|
38. 劏房戶 2015-02-03 13:33:24
|
|
『以我觀察， 現在賣出自用細價樓的有兩類人: 第一是收租佬、 第二是換樓人士。 兩者同樣不會平賣， 而且更可能反價，做成現在急升格局。 』 百分百同意! 今天百物騰貴，手上現金不斷被侵蝕。 不買樓，輸實； 買樓，可能弄碰上樓價急跌，要吃眼前虧； 只要有持貨能力，日後仍可返家鄉。 正如蔡志忠先生所言: 買樓風險可計算，不買樓風險卻是無限。
|
|
39. 劏房戶 2015-02-03 13:34:57
|
|
『以我觀察， 現在賣出自用細價樓的有兩類人: 第一是收租佬、 第二是換樓人士。 兩者同樣不會平賣， 而且更可能反價，做成現在急升格局。 』 百分百同意! 今天百物騰貴，手上現金不斷被侵蝕。 不買樓，輸實； 買樓，可能弄碰上樓價急跌，要吃眼前虧； 只要有持貨能力，日後仍可返家鄉。 正如蔡志忠先生所言: 買樓風險可計算，不買樓風險卻是無限。 那些不斷唱淡，勸人不可買樓；相信都是隔岸觀火者，不是住劏房，不用捱貴租，在說風涼話。
|
|
40. 掹車邊80後 2015-02-03 13:58:42
|
|
|
|
|
41. .property.not in hk 2015-02-03 14:38:35
|
|
|
|
|
42. Scoliosis 2015-02-03 14:52:13
|
|
其實幾天前見到有人posted湯博士個女買紅山嘅news就知呢人不懷好意。Jealous! 湯博士亦因這個blog"打入平常百姓家"而出名，名氣大，family便受連累，lay low is better....
Ive been reading this blog for 5 yrs and im your silent fan, Dr. Tong. Thank you for spending a great effort of your time to write this blog! |
|
43. 湯博士的粉絲 2015-02-03 15:13:34
|
|
湯博士肯回應你你家山有福啦, 有幾何見湯博士親自回人. FP九千幾萬有咩咁出奇, 你如果廿年前買間鋪是千幾萬, 今年估值二億, 二按間鋪, 分廿五年還, 年息2.5% (湯博士本人生意多可能年息還低啲), 基本上二按一間鋪巳經做到, 只是你世面見得少, 唔知真正有錢人啲錢是可以低息借完玩槓杆嚟做高息嘢, 跟博士學嘢啦
|
|
44. 三T 2015-02-03 16:24:50
|
|
三十樓V煞，主觀上你可以話博士自擾，但對更多的人來講，係好大的得著，作為後輩，我覺得博士係幫緊我 。如果你唔覺，你需要的唔係幫助！
|
|
45. 引刀一快 2015-02-03 16:57:26
|
|
我到依傢都仲唔係幾明，湯生個女有錢攞去買嘢，有咩問題？
就算湯生講緊細價樓會跌，有筍貨都係要執架。
每個人自己都有條數，好多時就算明知未來會跌，有D靚位唔一定會喺樓市低迷嘅時侯出現，啱心水嘅貨就唔一定要啱價先出手嘅。
|
|
46. CD ROM 2015-02-03 18:43:27
|
|
小弟用一個用家心態去睇加息, 其實就算加, 可加其他先????
就當用番金管局壓力測試個%, 仲要一炮過加晒唔係0.25%咁加, 機率可以有幾大? 就算係我都過晒壓力測試先批我mortgage ga wor, 我又有幾大需要賤賣呢??? 仲要壓力測試可能計緊我單名收入only, 另一半都未計...
只要租金唔大跌, 我真係頂唔住搬番老家又得, 租番層樓出去幫補下...
仲要普偏阿爸阿媽環境ok, 即係幫D細路出埋首期果班, 唔通D細每個月貴左1萬幾千供唔係份會, 會由佢地變銀主盤???
Sorry我只是用那麼micro地去看加息這回事.........
因為先陣子換樓, 同太太discuss我地family其實可以take幾大risk, 留幾多cash做保險線, 可以去幾盡既同時, 我地忽然reach左1個point, 就係如果我地計埋父母入去做保險線既話, 就屈晒機, 無野驚ga wor (當然唔可以咁啦... 我地2個都唔係駛屋企錢買樓結婚gae 人...) |
|
47. CD ROM 2015-02-03 18:56:43
|
|
引刀兄帶出另一個好好既point, 就係時機既問題......
我依稀記得博士個女係一張契幾個單位咁買(報紙咁寫...), 就當我料事如神今年年尾跌15%, 但係到左年尾你又可唔可以用張契幾個單位呢? 特別係呢d貨, 你到時平15%就得2個盤, 你想買多個都無, 咁, 又有無著數呢?
凡人如我, 總不能不望自身去完全跟市場走... 紅山我都非常非常覺得買得過, 但這不是我能afford的...
4M既樓高危, 我只能afford避上6M, 就算明知8M更安全但又如何? 你只能你能力風險以內最好的選擇, 而不是市場上最好的選擇... |
|
48. 引刀一快 2015-02-03 18:57:35
|
|
CD －ROM兄
所謂“賤賣”，理由可以係考慮以更賤價再買，可以係心理承受唔起跌價，不一定出于供唔起。
至于” 仲要普偏阿爸阿媽環境ok, 即係幫D細路出埋首期果班, 唔通D細每個月貴左1萬幾千供唔係份會, 會由佢地變銀主盤??? “
如果啃老啃到咁嘅地步，不如賣咗間屋，還番D養老錢俾父母好過喇。供養父母嘅責任，一定係排喺供樓前面。
|
|
49. 引刀一快 2015-02-03 19:01:51
|
|
同意，” 4M既樓高危, 我只能afford避上6M, 就算明知8M更安全但又如何? 你只能你能力風險以內最好的選擇, 而不是市場上最好的選擇...“
所謂風險，上下限都應該設喺自己能力可以應付嘅範圍內。著眼於賺多賺少就夠。
|
|
50. 小陽 2015-02-03 19:04:16
|
|
絶對贊成湯博士美國今年內一定加息！
信用比錢更重要！ LTV 細係因為value 上左， 但係value 可升可跌！
一個已扭曲的市場，不可用dd and supply 衡量。
|
|
51. 你假誠 2015-02-03 19:16:17
|
|
非常認同湯博士有關豪宒的價值正被低估，而細價也有危機。很多人都單單看回報率來投資，但他們常忽略豪宒的yield比細價的低，是很正常的。 就好似我數年前在澳洲置業，當時買了一間豪宅區的爛屋(連地)，駕車離市中心只是十分鐘。所以價錢好平，我就用了樓價的7%裝修，其後加50%租金租了出去。不過當時仍然是只有4%左右yield。 很多人看我作傻仔，因為當時的apartment(無地的多層樓宁〕，都一般有5-6 +%回報，又不用花錢裝修。為何不買多一兩間收租呢？ 因為只有地價會升值，建築物本身會折舊，雖然apartment也包括一小部份地價，但比係house連地來說實在差太遠了。此外，外國的management fees很高，〔house不用man fees〕，扣起來，回報也大打折扣。 在近次澳洲的升浪中，我的house已差不多升了一倍，但apartment只是兩三成。所以投資不要只看回報率...... 最後有一個趣事，有天經過觀月因此就八掛上去看看，之後個aa見我覺得貴，就猛咁sell我當時四叔在ssp賣的"湯房屋", 並且向我說回報率有幾高，有幾多百領人士租！我計一計條數，chi sin，尺價可以比美九龍塘豪宅，最後我只是與他應酬幾句，打發他走了算。 這應該是博士所說的，現在樓市的不正常吧！
|
|
52. 物業初哥 2015-02-03 21:10:02
|
|
看到博士同囡囡買樓既相，感覺就只有四個字..
「心善人美」!
點解要猜想咁多?
博士新書「逢三退一」出左了，各大書局有售，有心買要快手。 |
|
53. 湯博士Fans 2015-02-03 22:17:41
|
|
小弟日日睇依個Blog，學咗唔少嘢，湯博士為人光明磊落，有碗話碗有碟話碟，贏得讀者的共鳴，真的要講句多謝！
|
|
54. 請教亮劍兄 2015-02-03 22:32:32
|
|
|
|
|
55. 支持 2015-02-03 22:40:12
|
|
|
|
|
56. 沙田區耳圓 2015-02-03 23:21:38
|
|
|
|
|
57. 迷途小羊 2015-02-03 23:30:39
|
|
|
|
|
58. beyondimagine 2015-02-04 00:00:54
|
|
其實唔明啲人一定要啲寫評家寫嘢一定冇私心,係未太naive
不過有人寫, 起碼大家有得評論下都係好嘅
你係湯博士肯掃紅山, 上報紙, 發展商點只比10.25% discount |
|
59. 路人甲 2015-02-04 08:21:28
|
|
|
|
|
60. TO 58F 2015-02-04 10:24:43
|
|
|
|
|
61. 殺君馬者道旁兒 2015-02-14 23:03:20
|
|
在這主題及其他"細價樓3個月內爆煲"主題看到不少人對博士"佩服", "支持"的言論. 我只想說: 殺君馬者道旁兒 博士在今天的主題 " 我和林一鳴先生有一個約會" 已經暗中轉駄(馬太), 已經由3個月改為6個月, 原文是 "昨日2月13日，俗稱黑色星期五，中原指數136·64，又創新高，由於中原指數是滯後，我估計最多在下星期再創新高之後便會掉頭向下，六個月之後，大約 8月14日，中原指數高於136·64，林一鳴就贏，低於136·64就我贏，如果我輸了，我會在福臨門設宴，邀請各大傳媒，公開佩服林一鳴先生預測，亦 公開承認預測錯誤" 面對博士轉駄(馬太), 各道旁兒怎樣兜好呢?
|
|
62. 蜕变中嘅懒人 2015-02-14 23:33:42
|
|
TO 61樓 殺君兄
博士在爆煲原文照錄：（所以，現在不少財務公司己經部署追數行動，我大膽預言細價樓最快三個月，最遲六個月爆煲。在文章出了以後，社會迴響極大，今日高官的工作就是檢討有關財務公司借貸，樓市在財務公司收歛及追數的情況下，樓市上升之勢將會停止。）
博士好似無改口轉軚噃。
|
|
| |
|
|
