昨日小病是福，休息了一整天，小病最好的藥物就是水，因為身體內抗體同細菌打仗，藥物食物都是加重抗體負擔，唔能夠全力同細菌打仗，飲水就最好。
一宿無話，在亞運方面，香港已經攞到11金，破了紀錄，真係勁。去到會所，有住客問我識唔識胡．說樓市的胡國威，客人話對佢好敬重，爆了赤柱地產商偷工減料，被發展商出律師信，話如果影響銷售，會告佢賠償，在香港可不可
以咁惡，老實說，發展商唔講還好，講咗之後代表發展商知道偷工減料，否則，一定會將件事賴落承建商，現在唔知點收科。
由胡·說樓市令人想到不少居於海外的YouTuber ，以爆人私隱來增加點擊，其實，所謂私隱很多都是老作，或者揀一些善良的投資者來爆，他們唔敢得罪赤柱的發展商，就算知道有事都唔敢講，如此態度，又點會有公信力。
