內地人千辛萬苦來港，香港人反而要離開

　　一宿無話，今早跑完5公里後去會所冲涼，在飲咖啡時，有一個內地來港高管租客問我知唔知加拿大對香港有救生艇計劃，我話知道，不過好似已經截止咗，在截止之前，有5萬幾人申請，有萬幾人批咗，剩返嗰啲始終都會批，因為已經住咗响加拿大，如果遣返他們，相信會受到國際壓力。

　　內地住客話，真係唔明白香港咁好，點解香港人要移民去其他地方，雖然話人各有志，但始終都是人望高處，冇理由移民之後，生活質素比香港差，以他自己為例，在內地一個小城鎭出世，去大城鎭讀中學，本科是一級大學，畢業之後曾經幾個大城市工作，但最終目標都是來香港，沒有打算返內地生活，家人亦已經習慣香港，所以唔明白，香港人得天獨厚，與生俱來的條件，內地人是夢寐以求，點解要移民離開，或者，這就是身在福中不知福。