一宿無話，今早狀態很好，仍然可以跑5公里，跑完步去到會所，知道道指同比特幣都大升，道指升了624點，報53686點，比特幣升2806，報81148美元，真係唔明白，點解有人買冇息的比特幣，都唔買高息美債。
去到會所，有客人話昨晚去了一間人均消費2000元的高檔餐廳，竟然是座無虛席，如果唔係主人家兩個星期前已經訂好位，根本冇可能有位，大家都很奇怪，不時有人話香港經濟差，但點解餐廳咁旺，是否傳媒做假。
傳媒沒有做假，不過，睇香港經濟如瞎子摸象，現在香港的消費行業兩極化，有質素以及高檔的生意不俗，靠減價，做放題的愈做愈差，因為高消費的人追求質素，低消費的追求性價比，即是抵唔抵，高質素，抵唔抵都有人幫襯，但只是追求性價比很容易被淘汰。
