當俾你睇還有很多時，已經唔係有很多

　　一宿無話，道指平穩，只是升了5點，代表美伊局勢真係很難預測，大家都保持觀望態度，油價升了3美元至88美元，去澳門坐船要俾多10%，開始影響民生，今日恒指真係好難估，但我認為會下跌，冇特別理由，但無論升跌，幅度都不大。

　　去到會所，有住客話美伊戰爭應該有排打，因為伊朗向全世界展示，仲有很多導彈以及無人機，唉，今次大鑊，張飛在長板橋以疑兵阻止曹操，及後又將長板橋拆了，孔明知道之後，話張飛冇腦，拆橋令到曹操知道佢其實冇兵，百萬大軍，要搭橋是很容易。

　　伊朗以海量無人機以及導彈震驚全世界，打到美以聯軍措手不及，甚至要和談，今日伊朗發佈新聞片，證明伊朗尚有很多導彈以及無人機，其實同張飛喝斷長板橋差不多，向世界展示尚有很多時，其實已經唔係有幾多。