香港的七欖是全世界最好

　　一宿無話，上星期五，雖然道指大升800幾點，恒指夜期亦升300幾點，油價跌至83美元，但大升原因是美伊和談達成協議，霍爾木茲海峽通航，但原來一切都是幻覺，不但美伊未達成協議，霍爾木茲海峽仍未通航，油價升返5美元至88美元，今日恒指上升的機會不大，大跌亦唔會，不得不提，估恒指結果暫時8勝1負。

　　今早去到會所，有住客話昨日很攰，日間去睇七欖，時間很長又很興奮， 南非奪得冠軍，有11.4萬人入場，應該帶動香港消費行業，唔好生意多咗又限乜限物，好似當日香港政府推出限奶令，都唔知為乜。

　　不少外國人話，香港的七欖是全世界最好，這個說法不能否定，但又唔好咁開心，因為仲有十欖，以及正式的欖球，大多數國家都不注重七欖，不過唔緊要，將別人唔注重的項目搞好，就是香港人天賦。