武功蓋世的人最怕打爛仔交

　　一宿無話，早上去到會所，經理話我每日預測恒指升跌，連贏8日之後，昨日終於斷纜，問我今日如何，我話雖然道指升了115點，油價亦升了3美元，但我仍然估今日恒指下跌，不過唔好問我點解。

　　有住客問，中國夠唔夠美國打，一定唔夠，可不可以贏伊朗，一定可以，點解美國只是同伊朗打和，而且美國仲有以色列幫手，住客唔知道，美國現在就好似一個武功蓋世的人，而武功蓋世的人有一個弱點，就是最怕打爛仔交，只要對方死纏爛打，唔理自己傷勢，武功蓋世的人就使唔到真功夫，美國與中國實施力是45 55之間，中國輸的機會較大，但美國與伊朗實力何只差兩皮，伊朗自己亦知道，反而會放開嚟打，美國反而有所顧忌，打得礙手礙腳，雖然軍事實力大過伊朗很多，但只能打成平手，要和談來結束戰爭。