一宿無話，道指下跌289點，油價升至94美元，顯示波斯灣局勢未緩和，今早在馬場跑步，有跑友話，最近我的文章，除了地產時事之外，大多數講美以伊戰爭，點解我會講戰爭。
其實我都唔想講，不過戰事擺在眼前，而我又睇到中國與外國的消息，雙方差距甚大，例如美軍死亡人數，美國表示只有7人，伊朗話650人，有分析員指出，韓戰結束時，美國公布的死亡人數只有幾千人，隔了幾年之後，記者從公墓得到真正人數，有幾萬人咁多，超過10倍以前所報的數字，不過數字滯後，沒有多少人記得，更加唔會討論，所以，以10倍計算，美軍暫時死亡人數估計是70人。
國內有大約六萬人經常討論美以伊戰爭，並且俾伊朗意見，例如炸美軍基地，雷達站，薩得防禦系統，甚至以色列海水化淡廠，搞到美國以色列很頭痛，我問過一個寫評論的人，點解要講美以伊戰爭，佢話又唔使落場打，又可以亂講，何樂而不為。
