陳皮陳化做假害了新會

　　星期六回到公司，秘書話有租客送了一盒新會陳皮，但唔夠一個鐘頭又收返，租客擔心陳皮不是陳化，而是催化，可能會有有害物質，所以立刻收回，送了兩支靚次伯補數。

　　曾經有人問我籍貫是哪裏，我話同梁啟超同鄉，梁啟超寫《飲冰室文集》，我寫茶餐廳手記，今次陳皮陳化做假，真係害了新會，唔明白做假的人心態，明知毀了一個行業都要做假，我相信會罰得很重，都唔知點樣收科。

　　新會應該效法金華，金華當年亦試過火腿做假，金華當局唯有銷毀所有火腿，重新以古方法製造，五年之後才有金華火腿。新會也是一樣，立刻銷毀所有陳皮，來挽救市民對新會陳皮的信心，最快都要五年之後才有陳皮。不過，十年以上陳皮唔需要銷毀，因為做假最多只做到七年陳皮，睇吓新會領導是否夠膽下定決心。