地產博客
瀏覽人次:13256    回應:40
文亮言
是誰關了逃生門
 
湯文亮博士
紀惠集團行政總裁
2020年5月22日

  有老友話近日有議員講政府若果不撤辣,即是關了打算賣樓業主的逃生門,令到他們變成負資產者。而事實上政府最近沒有推出辣招,又怎可以說是關上了逃生門,最多只能夠話不撤辣是沒有打開逃生門。議員所講不十分正確,我非常同意。

  老友問究竟什麼是逃生門,與正門有何分別?難怪老友這樣問,因為現在大部分香港樓宇太細,只有正門,連後門也沒有。莫講話逃生門,正門與逃生門最大分別,就是正門是從外向內推入,而逃生門是從內向外推出。正門可以有一扇門或者兩扇門,逃生門一定是有兩扇,可以用最短時間打開大門,令更多人可以逃生。如果大家仲唔明白,今日可以去睇場戲,睇完戲離開的時候,EXIT下面的就是逃生門。

  既然政府沒有關上逃生門,究竟是誰關上了樓市兩扇逃生門。我講大家未必會相信,其中一扇是由地產商關上。大家都知道,新樓熱賣,消耗了不少購買力,二手樓就會冷清,變相關了一扇逃生門。另一扇逃生門是自動門,樓市雖然在一片劈價聲下,但樓價指數仍然上升。既然樓價上升,就沒有逃生需要,逃生門亦自動關上。

  老友始終話政府應該取消辣招,打開逃生門,是否逃生就由業主自己決定。老友有多少不明白,好似去一間有六間小戲院的戲院睇戲,本來各小戲院的散場時間不同。雖然大戲院只得兩個出口,可以應付自如,但如果大戲院突然決定腰斬,各小戲院同時散場,兩個出口又不足應付所有觀眾在短時間離開,可能會出現人踏人事件,逃生變自尋死路。政府如果突然取消SSD,賣樓的人突然增加,樓價下跌,反而會出現更多負資產者。所以,逃生門是不能夠任意打開,要有序進行,才可以避免人踏人事件或者樓價急跌。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 可以去睇場戲 2020-05-22 10:00:27
買了場四點半, Lucy 戲院見。
2. 磅水 2020-05-22 10:03:43
若要優先使用逃生門,請磅水。哈哈
3. 十一哥 2020-05-22 10:09:50
有門都唔知逃去邊處會更好、今日阿爺似係要馴訓假發佬、以後香港先會有定數、大浪未到識上定岸…座穩就冇驚。
4. 馴訓假發佬 2020-05-22 10:19:44
唔會囉, 你諗諗, 擺入附表三但仲係由本地髮廊發版揸莊點剪, 咁下一步係乜野?
5. 十郎 2020-05-22 10:23:54


      有兩個人出事前準備入市 , 阿甲因為辣招就打消念頭 , 阿乙就死都唔睇入左去。

      如果天下太平 , 順風順水 , 阿乙就威盡鄉黨 , 阿甲就戰敗烏龜。現在出事了 , 就要求這樣 , 要求那麼 , 阿乙笑騎騎全身退 , 阿甲就傻仔一樣。政府這個球證是否隨意搬龍門?講左三年就三年 , 係切都要等完成責任 , 由新一批人開始吧。




6. 由新一批人開始吧 2020-05-22 10:42:55
十哥, 你唔知講人就係輸打贏要?
7. 優先使用逃生門,請磅水 2020-05-22 11:07:09
你不如話響大門行返出去戲院可以回水。
8. 乜春 2020-05-22 11:20:05
逃生門只係一個假命題。
因為要逃生嘅人早就離開,無須逃生嘅人要逃生門何用?
哈哈
9. 十郎 2020-05-22 11:49:19


      打完麻雀 , 輸20底 , 書友話5折找數。講明才落場都唔算數?


10. 無須逃生嘅人要逃生門何用? 2020-05-22 12:18:43
逃完生咪又買番張飛入黎, 你眼望我眼。
11. 元朗真香港人 2020-05-22 12:47:30
樓市逃生門一早存在,

!!破産法。

逃生時,還想找出家中金銀珠寶?可以找到的是

!!!死。
12. 十一哥 2020-05-22 13:09:32
唔洗逃生嘞…人大定咗嘞、傻侵把口真係好強烈、好彩人大載咗口罩…冇感受。
13. 引刀一快 2020-05-22 13:32:32
明嘞,原來十一仔又係揸鬼佬護照,怪之冇回鄉證。
14. 鳥5 2020-05-22 13:36:59
17年尾!我已經講23條輻射香港!唔係阿媽係女人啦!當時呢個題目都唔係主調!元郎兄!國家隊準備入市!通左La!小賭怡情!今次唔左自己搵食!講到好白係個system!
16. 鳥5 2020-05-22 13:39:56
下年攪地覇!我估十中八,5會全中!賭5過呀!未上車千祈唔好上車!過埋下年先諗!
17. 識唔識架? 2020-05-22 13:45:17
今日港股跌咗1300幾點。主要原因唔係引入國安法,最震撼係話要喺香港設立有關部門執行國安法;即係喺香港成立國安部或分部。
匿藏喺香港班貪官或黑金代理人有得震冇得瞓,佢地隨時俾人“送中”,要盡快走資。
18. 人大定咗嘞 2020-05-22 13:50:23
尋晚電視上講嘢啲人都係見樹不見林,搔不着癢處,你睇吓世上邊有地方中央安全法律可以由地方選擇執行?
19. 十一哥 2020-05-22 13:57:25
唔得閒…擇緊嘢。
20. 十一哥 2020-05-22 14:09:30
求仁得仁23條擺埋、國安直接辦公。

21. 十一哥 2020-05-22 14:59:18
擺明搏命踩落去、下星期先挾住濕、揀手慢慢嚟…驚就唔好制。
22. 張先生 2020-05-22 15:16:33
多謝黑衣傻仔出來多點示威搞破壞,推動中央決心在香港立國安法
,根據基本法,此國家安全法可直接繞過立法會及不需立法會通過,以後任何港獨行為將會被控以非常嚴重的刑罰。
你們班傻仔給民主黨煽動搞香港獨立的事,將來可能被控以叛國罪及終身監禁。
民主派快點收手,不懂進退只會自討滅亡!

以為想解散警隊是否太傻太天真,你們越反抗,政府調給警隊資源就越多及只會成立更多反恐部門及設多更多情報科!

所以說你們黑衣人是傻仔,有沒有根據?有沒有說錯?



23. lol 2020-05-22 15:29:55
逃生多數人踏人踏死人,多過燒死人,況且而家只係爆水喉。

24. 向泛民说不 2020-05-22 15:55:44
17楼,美国CIA系香港有数千雇员,中央在香港设立国安部门很正常。
25. 鳥5 2020-05-22 16:18:06
17F,有古就有買!今日一千八百億成交!睇手影!國家隊今日第一注應該入咗市!
26. 講明才落場都唔算數? 2020-05-22 17:07:49
梗係唔算數啦, 睇吓 72 歲嘅林生, 一邊嗌生嗌死

"樓宇超過50年樓齡,加上沒有電梯,對居於高樓層的長者來說,十分不便,他居於4樓,每次出入買菜也很辛苦"

但又扮晒野話老當益壯冇問題

"再多住十年八年都沒有問題"

咁上邊嗌生嗌死係唔係問題?

當然最重要又係為錢

"他又認為,政府以同區7年樓齡價收購不合理,應按照現時樓價計算。"

咁一叠用黎印合同嘅 A4 紙唔通要賣廿萬? 不如同買家分身家。都話成個土瓜灣拆晒佢做綠置居, 一人派一間算數。
27. 出來多點示威搞破壞 2020-05-22 17:40:00
賣弄小聰明, 問兩個辦係咪在講機構, 唔通國台辦係在台機構? 唔問由自何, 問咪直情寫埋入去可以響度設立機構囉
搞咁多運動, 結果是累街坊
28. 十郎 2020-05-22 17:50:27


      26樓 , 我贊成每人一間㗎 , 我認為政府對申請公屋、居屋設限 , 不公平 , 好多窮旦唔駛奮鬥就發左達 , 我工作十八小時都咁窮 , 細路讀書靠晒我。唉。我早知道係咁樣 , 我一早大食懶。

      我提議每個細路一出世 , 就分配一個冧把 , 一路長大一路輪 , 輪到佢 , 不論貧富都有一間公屋。


29. 鳥5 2020-05-22 19:31:06
十哥,林鄭房策定左局㗎啦!規模應該大過麥理浩!不過唔知起到幾時?哈哈哈!
30. 十郎 2020-05-22 20:52:11


      不如咁啦 , 復古起番d7層H型徙置區 , 平靚正 , 最緊要快。好過住劏房。



31. 十一哥 2020-05-22 23:30:16
斷估下一步…取消鄉講鈡嬸權、由最高仁聞發苑守尾門、判得唔啱心水就上訴…上訴…上京由老表發樂、大條道理英癈先例傳承…輸物苑…奄C香港C發25仔。
32. 十郎 2020-05-22 23:46:40


      逃生門可能另有所指 , 我捉錯用神。 呢一排 , 有幾種人需要逃生門。

      另外 , 比番個逃生門給收租佬 , 得唔得?


33. 十一哥 2020-05-23 00:01:21
班契弟仲冇識C、拋阿爺、又2百萬人支持..又話會暴動、其實阿爺一路特登縱到班儍仔瘋狂、撩起10幾億老表同仇敵愾、而家落重手…D掌聲重響、醒目就鬥腳長…早着草啦!
34. 引刀一快 2020-05-23 03:38:55
買樓當買大灣區,高瞻遠矚包冇衰!
35. 元朗真香港人 2020-05-23 07:44:06
十一兄,
王晨講話,人大掌聲雷動。有d位,根本唔係拍掌位,都照拍。

十四億人“同仇敵愾”!

黑暴八德勁過習大講

!!!一萬次團結。

聚人心,做大事。
36. 元朗真香港人 2020-05-23 07:48:27
下一步,

黑暴八德百多萬聖人會發現be water 只 

!!!be droplet. 
38. CH CHAN 2020-05-23 08:25:41
真的好懷念當年港同盟有司徒華的時代,起碼進退有據,同中央能保持適當距離又不會令中央感到受威脅,一直堅持和平抗爭,一有暴力抗爭會出來一起同建制派遣責暴力不認同不支持,有反對但不會讓立法會停擺,做事有底線,又不失立場,原則也需聰明地行使,不要碰到國家分裂底線, 因司徒先生知道香港人要民主自由,不是要香港獨立及從國家分裂出去,更不會找外國勢力干預自己國家,堅守一國兩制原則,中央曾一度加大與民主派溝進及合作!

唉,可借現在的民主黨人個個要出位,要做show, 不知什麼時候居然同本土港獨分子,分烈國家人物結盟,作奸犯科,天真又傻到以為可以要脅大陸並與暴力分子為伍,為他們謢航及公開支援,更後來用實際行動支持,多次干擾立法會工作,最終逼令中央出手全面整頓。

民主黨人千古罪人

普選行政長官拒絕袋住先,不懂妥協,不懂以退為進,缺乏知慧,沒有遠見,甚似香港年青人什麼都要一步到位,能買樓的時候就挑剔要買三房正市區中心一樣,不明白萬丈高樓從地起的道理。

中國的富強也要經過四十年十幾億人艱苦努力才有今天的世界第二經濟體,港人心頭高,慣了什麼都受優待,年青人對國情不了解,已到無知地步,十分可憐,多得教掍多年來企圖去中國化!
39. Fisherman 2020-05-23 10:59:29
戀殖者終於等到啦!英殖時代嘅政治部以另一個名目回歸。
40. 向泛民说不 2020-05-23 11:46:38
38楼,泛民不是不懂妥協,不懂以退為進,缺乏知慧,沒有遠見,而是他们已经变成了老美的走狗,以老美利益为依归,要知道毒果根本就是CIA背后支持的报纸。而泛民狗接受毒果的资金上的支持,所以他们的做法就是美国利益。

他们比任何人更爱国,不过爱的是美国,所以可以出卖香港人的利益。
41. 十一哥 2020-05-23 14:42:25
阿爺擺國安係對付cia,異士未夠班…放心…洗定C忽得嘞…
42. 醉未醒 2020-05-23 15:05:18
水太清則無魚,水太混則魚死,小學生都識,呀爺點會唔知。
我覺得無須過敏,維持下秩序姐,唔使教老豆生仔既。