瀏覽人次:23459
回應:15
|
千祈唔好老屈地產商
湯文亮博士
紀惠集團行政總裁
2019年2月13日
有分析師大好友上身,認為樓價不單止今年升,明年升,長遠也是升,他並且話近期四出去睇樓,已經沒有荀盤,可見他的預測一定會準確,樓市還有一條保險線,就是樓價不升,地產商會聯手不賣樓,沒有供應,樓價一定會上升,我認為分析樓市,講什麼也可以,但千祈唔好老屈,地產商幾時有講過聯手不賣樓,反而有地產商話月月有樓賣,樓價上升是政府未能提供足夠土地,與地產商無關,其實,現在才四出睇樓的算什麼大好友,真正的大好友早已買入大量物業,伺機賣給現在那些新進大好友,誰是大好友就不用明言。
地產商其實非常不滿意「娥六招」,尤其是新樓空置稅,但仍然不敢向政府表明會聯手不賣樓,如果堅叔夠 膽向政府表明這個意向,即是與全港未有樓的市民為敵,同時叫政府出招壓樓市,老實說,林鄭不同前兩屆政府,就算出招都不會是壓抑需求,而是增加供應,要地產商賣樓,如食蛋糕一件,只要提高新樓空置稅,唔准以招標形式賣樓,單是這兩招,地產商就會急急賣樓,在新樓空置稅未推出之前,不少評論員話無效,更加有學者話地產商會將新樓空置稅轉嫁到消費者,在新樓空置稅推出,大家不但見不到有地產商將新樓空置稅轉嫁給消費者,反而見到有地產商劈價賣樓,在未來三至四年,有93,000個潛在供應量,加上9,000個新樓空置單位,大幅高於需求量,唔賣樓就假,鬥快賣樓就真,所以,分析還分析,但千祈唔好老屈地產商,不過,話時話,分析師好似唔知道有新樓空置稅。
政府其實已經留了一條路給地產商,如果要樓價下跌,只要禁止地產商以高成數按揭賣樓,樓價立刻下跌一成以上,雖然有人會話,就算不准地產商提供高成數按揭,可以轉移到財務公司,說得沒有錯,但財務公司所收取利息比地產商高出很多,除非膽色過人,否則是不敢向財務公司借錢買樓,雖然香港是言論自由,但也不能老屈地產商。
|
|
|
|
|
|
3. 伺機賣給現在那些新進大好友 2019-02-13 11:30:16
|
|
現在只是由歷史高位跌了十, 仍然是逢三退一攔途截劫地霸的好時候, 截劫人總好過被人截劫。
|
4. 空置税是廢招 2019-02-13 11:30:37
|
|
空置稅鼔勵地霸拖慢起樓。你敢加賣地條款佢就敢出超低價投地,令流標次數增加,變象拖慢整體供應。地霸也會拖慢農地補地價,以免起咗樓被罰空置稅。
空置稅不會幫人上車,好處是減少供應,有助推升樓價。
藥石亂投,廢招一招接一招。唉!
|
5. 香港人 2019-02-13 12:29:05
|
|
“只要禁止地產商以高成數按揭賣樓” , 請問用什麼措施推行?
|
6. 空置稅鼔勵地霸拖慢起樓 2019-02-13 13:05:44
|
|
預左, 所以正苦已經截劫左地霸, 以觀後效, 由六四變七三, 八二, 九一, 甚至十零, 由 42 折, 到 32, 22, 12, 甚至零但 100% 補地價, 總之四百零呎民生樓與負擔力掛鈎, 定價權收歸國有, 你唔起係你嘅事, 地霸係咪可以唔賣樓?
|
7. 我夠膽講 2019-02-13 13:17:08
|
|
同意4樓
如果唔係中美貿易戰任何空置稅或乜乜說都是花招而已,林鄭好彩狗屎撞馬棍。
|
8. 自我陶醉 2019-02-13 14:34:12
|
|
根據競爭法,限制生產、合謀定價、分配市場、圍標,都係不合法行為,就算做咗都冇人會咁笨四圍唱。而限制他們做高成數按揭,亦不太可能,發展商若然開公司攞正財務公司牌放數,大家都係獨立法人,政府有咩權限制,唔通做地產唔可以投資財務公司咩?
香港樓市係極其壟斷嘅市場,根本唔洗所有發展商合謀,最大兩三間聯手,再配合外圍環境,已經可以左右市況,就連樓神年底一個預測,亦可以影響唔少人嘅投資決定,包括其他發展商,但近期他們不像在托市,而是在唱淡樓市,也許要打擊一些急於賣樓變現的國內過江龍,令佢哋知難而退。 地霸手上麵粉成本平,現貨唔多,借貸比率低,要打消耗戰的話,過江龍一定死得,同時又可將地價和補地價金額壓低,乘機補充麵粉,何樂而不為?
|
9. 湯瑪斯 2019-02-13 17:57:28
|
|
我唔同意4樓話空置稅係廢招。 人人都說土地供應遠水救唔到近火,空置稅迫發展商盡快賣出貨尾,這是近水。2018年有近九千個貨尾單位,這些近水不迫一下,發展商會慢慢賣。君不見今年初貨尾單位正陸續推售,而且大部份都是降價推售。 至於發展商會否慢慢起樓導致供應減少?我看發展商未必會聯手減產,一方面他們只要有得贏就會起樓,貨如輪轉嘛,這是做生意的金科玉律;另一方面發展商若聨手減產(即使不約而同減產)會迫政府對付他們,這是下下之策,所謂富不與官爭嘛! 我認為空置稅有助提高供應,特別是短期供應。樓價下調是多個利淡因素造成,空置稅其一也,不能說它完全沒有作用!
|
10. 引刀一快 2019-02-13 18:00:40
|
|
To 1~7樓
一個飛地,即時破解“幾位”嘅全部疑問。
|
11. 引刀一快 2019-02-13 18:03:48
|
|
|
12. 自我陶醉 2019-02-13 18:43:04
|
|
引刀兄
過江龍當然係話來港的國內開發商喇,個體戶係佢米飯班主,點會趕絕佢!
|
13. 空置税是廢招 2019-02-13 18:52:43
|
|
政府也想把7:3變成10:0。咁以後香港人人都可以買平樓,香港樓價平絶全球,人人安居樂業。
問題是沒有了賣地收入,和高樓價有關的印花稅,利得稅收入,政府如何有錢支撐高福利?
到時只好取消綜援,開徴專收窮人的10%銷售稅,取消9年免費教育,大幅度提高公立醫院收費........
天下沒有免費的午餐。沒有高地價、窮人就一定開心😃,香港人人就一定可以受惠?
|
14. 真真薯片 2019-02-13 21:37:48
|
|
所謂未來3,4年93000,已經聽左3,4年,結果每年都係萬5,6,而萬5,6裡面又有兩,三千係劏出黎,正苦過去幾年實際增加既供應,就係由貪憎年代既每年一萬至萬二,變成今日萬六至萬八,林鄭搞64轉73,即係好快每年土地供應又變返萬三四,簡單講,由依家起每年賣地萬四個單位,而今日賣既地六年後先入伙(賣地條款要求),即係未來六年每年供應全靠庫存,即係93000+9000除6,即係未來六年每年17000個單位,第六年開始每年萬四個單位,而居屋未來3,4年都係每年2000幾個單位,第四年開始每年有4000幾個單位,呢個就係未來十年供應藍圖,地霸對付空置稅,先要賣走手上9000個單位,然後拖慢手上起樓進度型所有地用盡六年批地合約時限即可
|
15. 陰公 2019-02-14 02:30:03
|
|
80年代,90年代,香港人口比現在少,而且強國同胞未有錢落來掃豪宅,香港私樓供應每年都閒閒地有三萬間。
依豪搞到連二萬間都冇,重要系靠劏房充數,樓價唔升冇天理,
|
16. 引刀一快 2019-02-14 08:38:58
|
|
|
17. 笑爆咀 2019-03-02 10:26:28
|
|
地霸們聯手不推盤,不動工,累計積市場購買力,把貨尾不斷加價慢慢賣。香港地,官是斗不过富的。
|
|
|
|
|