在我當打的時候，在尖沙咀開酒吧，認識不少江湖大佬，連五虎十傑我都識，但大家認識深了之後，多少都有一些心底說話，有江湖大佬酒後吐真言，若果來生，都唔再做大佬，一王都唔做，當時我唔明白，做大佬不但自己威，連老婆都威，被人叫一聲大嫂，同太子妃冇乜分別，點解會話若有來生，都唔再做大佬。
後來我明白，做大佬只是表面風光，有一些大佬甚至要借貴利去滿足馬仔要求，例如有𡃁 仔要結婚，做大佬就要包支包結，禮金反而是條𡃁 的家人收，所以，很多大佬都欠下不少貴利數。
全世界的大佬美國也是一樣，美債超過40萬億，債主是日本，英國等，嚴格來說，是美國啲𡃁 ，至於點解欠咁多美債，除咗做大佬，被人有大食大之外，仲要負責啲𡃁 安全，全世界有超過700個美軍基地，11支航空母艦艦隊，費用驚人，雖然日本等國家是有幫補，但相比支出只是雞碎咁多，在日積月累之下，美國欠債愈來愈多，我在酒吧時見過不少曾經風光的大佬，但在貴利的壓迫下，慢慢就會失去大佬風範，這是必然的結局。
